Rəyisi: İroni zumandətion de dustə kişvəron təğsim bəbe

İron İslom Respublika prezdent votışe: İron hozzoe ki muxtəlifə baxşonədə ıştə zumandətion iyən çəşəçiyə inkişofon de dustə kişvəron əcumlə Serikanka təğsim bıko.

Bə Prezdenti məlumatrosniyə mərkəzi raporti əsos, İron İslom Respublika prezdent, Seyd İbreym Rəyisi zinə və Serilanka xarıci koon vəzir Əli Səbri vindemonədə bəyonış kardə: İslomi İnğilobi səbarzəti əvvəliku 2 qılə kişvəri rabitəon həmişə konstraktiv və bə inkişof rosniye cəhətədə be. Rəyisi, 2 qılə kişvərədə mevcudə muxtəlifə zərfiyəton vey çok zəminə zınəşe ta karde bəzne 2 qılə kişvəri rabitəon miyonobə barzə səth rosniye bois bıbu.

Rəyisi ijən muxtəlifə baxşonədə bə İron İslom Respublika çəşəçi inkişofon xususi elmi və texnoloqiya baxşonədə de zalımonə sanksiyaon vucudi işorəş kardə iyəən bə İron və Serilanka iğtisodi həmkoətion mıştərəkə kamissiya əktiv bey təkidış kardə və votışe: muxtəlifə kişvəron əcumlə Serilanka, inkişofiro veyə zərfiyəti soybin,ki ehanə mənfə tələb iyən mustəmləkəçi mıdoxiləon nıbe, karde zınəş be ım kişvəron ozavziyə iyən inkişofi bois bıbu.

Səbri həm bəyonış kardə: de diğğət bə sanksiyaon vucudi İron bə yolə inkişofon rəsəşe əcumlə elmi iyən texnoloqiya baxşonədə, əv ijən muxtəlifə baxşonədə de İron İslom Respublika hevujə həmkoətion tələbış kardə.

Serilanka xarıci vəzir Əli Səbri de İron İslom Respublika ali rəsmi şəxson vindemon iyən votımoniro bə Tehron səfərış kardə.