İron və Yaponiya miyono dıroz mıddətə həmkoəti roy plani kəşey zərurət

İron İslom Respublika xarıci vəzir Tokioədə Yaponiya xarıci vəziri vindemonədə 2tərəfi rabitəon hevujətiro bə dıroz mıddətə həmkoəti roy plani kəşey təkidış kardə.

90 soriku veye ki İron və Yaponiya deyande iğtisodi və siyasi çokə rabitəşone və həminə cəhətədə İroni xarıci vəzir de Yaponiya ali rəsmi şəxson vindemoniro zinə şəv bə Tokio varid bıə iyən Yaponiya xarıci koon vəzorətxonə rəsmi şəxson bə çəy pişvoz şə.

Bə Fars aqentiyəti raporti əsos, İroni xarıci vəzir Huseyn Əmirəbdullahiyan Yaponiya xarıci vəzir, Yoşimasa Hayaşi vindemonədə, rabitəon hevujətiro dıroz mıddətə həmkoəti roy plani kəşey vey muhimm zınəşe və həmkoəti şura çərçivədə və 2 qılə kişvəri xarıci vəzorətxonəon mudiron iyən muavinon məşvərəton dəvomi elanış kardə.

Əmirəbdullahiyan rabitəon hevujətiro İron və Yaponiyaədə mevcudə zərfiyəton vey muhimm zınəşe iyən muxtəlifə baxşonədə həmkoətion hevujətiro bə lozimə metodon icod kardey zərurət təkidış kardə.

İroni xarıci vəzir ijən de Ukrayna behroni rabitədə İslomi Respublika prinsipon siyosəti bə siyosi hələkə roon zərrurəti lozim zınəşe və təkidış kardə, vey zəruri heste ki beynəlxalğə ictima ım metodiku himoyə bıko.

Yaponiya xarıci vəzir Yoşimasa Hayaşi həm ım vindemonədə bə 2 qılə kişvəri həmkoətion iyən votımonon dəvomi əhəmiyyəti təkidış kardə.