İroni səfir de Ermənistoni milli əmniyyəti şura sərkatib vindemonış kardə

İroni səfir de Ermənistoni milli əmniyyəti şura sərkatib vindemon iyən votımonış kardə.

Bə İrna raporti əsos, Im vindemonədə ki zinə sıb əncom bıə, Ermənistoni Respublika milli əmniyyəti şura sərkatib, Armen Qriqoriyan, məntəğədə əmniyyət iyən stabiləti icod kardeyədə İron İslom Respublika roliku ğədrdonətiş kardə iyən muxtəlifə baxşonədə rabitəon hevujətiro bə Ermənistoni hozzoəti təkidış kardə.

Ermənistonədə İroni İslomi Respublika səfir, Məhdi Sobhani həm de işorə bə 2 qılə kişvəri rabitəon bə mıtəğabilə ehtırom iyən etımo əsos, məntəğədə sulh iyən stabiləti icod kardeyro iyən muxtəlifə baxşonədə de Ermənistoni Respublika rabitəon hevujətiro bə İroni irodə təkidış kardə.

2tərəf ijən 2 qılə kişvəri miyono siyosi məşvərəton dəvom, milli əmniyyəti baxşi ali mərace rabitəon, məntəğədə sulh iyən stabiləti oqəteyədə iğtisodi həmkoətion rol iyən 2 qılə kişvəri miyono mıştərəkə planon oxonə vəziyəti barədə de yande votımonışon kardə.