İroni molonku çand milyard dollar ozod kardey proses bino bıə

İroni İslomi Respublika xarıci vəziri siyosi muavin Əli Bağıri bəyonış kardə: İroni molonku çand milyard dollar ozod kardey prosses bino bıə, əv ijən votışe: ım çərçivədə ğərore ki çand nəfər dastqir bıə İroni həm ozod bıbun.

Bə Fars aqentiyəti raporti əsos, zinə şəvədə qıləy xəbə muntəşir bey dumoədə ki İroni molonku çand milyard dollar ozod kardey proses bino bey barədə be Əli Bağıri votışe: İroni molonku çand milyard dollar ozod kardey prosses bino bıə, çand sor bəbe ki de Amerkə vositə ğeyri ğanuni surəti ım molon musadirə bıə be, İron, Amerkəku bəştə təəhudon bəfodor beyro, lozimə qarantiya qətəşe.

Əv ijən əlovəş kardə: həminə çərçivədə ğərore ki çand nəfər İronljon ki Amerkədə ğeyri ğanuni surəti dastqir bıə bin həm ozod bıbun.

Çımiku bənav Niyu york taymz rujnomə həm raportış doə be ki İronıjon ozod bey əvəzi həm 5 nəfər Amerkə zindoni həm ozob bəben. ım rujnomə ijən iddioş kardə ki təğribən 6 milyard dollar İroni nati molon həm ozod bəbe.