İsveçədə bə Kərimə Ğıron ,tojədən be ehtıroməti kardey

İsveçi parlamenti mığobilədə 2 nəfər İraği mıhocir co kərə bə Kərimə Ğıron be ehtıroməti kardışone.

Bə İran Peres aqentiyəti raporti əsos, İsveçi mediyaon raport doşone, Stokholmədə co kərə Selvan Momika və Selvan Nəcm de ım kişvəri polisi himoyə Kərimə Ğıroni qıləy cildi otəş jəşone.

Aftonbeladet İsveçi rujnomə raportış do: ım 2 nəfər İraği mıhocir İsveçi parlamenti mığobilədə co kərə bə Kərimə Ğıron be ehtıroməti kardışone və polis həm çəvonku himoyə kardışe.

Dəvardə manqonədə İsveç iyən Danmarkədə bə Kərimə Ğıroni be ehtıroməti kardey cəhəto çand hərəkə əncom bıə və ım hərəkəton mısılmonə kişvəron tərəfo de şiddətin məhkum bıə.