İslomi İnğilobi Yolə Rəhbər: Sepah Təşkiloti funksiya fəxrine

İslomi İnilobi Yolə Rəhbər, muxtəlifə baxşonədə əcumlə canqi, milləti, xıdmət rosniye iyən obok kardey baxşonədə, Sepah Təşkiloti icod bey, ozavziye, bıhronon məhv kardey iyən funksiya vey mislış nıbıə iyən fəxrin zınəşe.

Imruj pencşəmbə rujədə, İslomi İnğilobi Sepah Təşkiloti rəsmi şəxson iyən komandiron 24minnə ali icmaədə, İslomi İnğilobi Yolə Rəhbər iştirokəkəyon vindemonədə hamiyəşe: hiç qılə həbi iyən canqi məcmuə de ım mığdor mənəvi, siyosi, əxloği iyən insoni səlomət mevcud ni.

Bə Rəhbəri təşkiloti məlumatərosnə mərkəzi raporti əsos, ə Həzrət de işorə bə Sepah daxıli mehkəməti iyən ozavziyə dəvomi əlovəş kardə: ısət ım məcmuə bə yol və komilə təchizaton soy bey mərkəz iyən vey yolə anti terroristə təşkilot əvəz bıə ki dınyo yolə ərtışonku vey həm jıqo fəaliyəton əncom doeyku be zoin.

İslomi İnğilobi Yolə Rəhbər, ım sıxən yəni "hərbi intixob mizi səe" kam votey və tikror nıbey əcumlə Sepah təşkiloti zumandətion və mudafiə ğudrətiku zınəşe iyən hamiyəşe: həmmə zıneydən ki ım sıxən, sıbık, be məno iyən be erjin bıə.

Həzrəte Ayətullah Xamenei ijən hamiyəşe: muxtəlifə baxşonədə Sepag funksiyaon iyən cozibəon, deşməni niqəron iyən məcbur karəşe ki de du iyən puçə sıxənon Sepah Təşkiloti xərob bıkon.

Ə Həzrət ıştə sıxənon dəvomədə əlovəş kardə: islomi nizom har qılə kişvəri sıxən ki bıvot canq kardey ğədsış ni ğəbul kardedə hətto ehanə ə kişvər de İron ham fik məbu, əmmo ehanə mığobilə tərəfi du votey iyən fitnəkorəti bə əmə subit bıbu hiç vaxt ğəbul nibəkamon və çəy mığobilədə muğavimət bəkamon.

Həzrəte Ayətullah Xamenei de islomi nizomi co qılə deşmənətion vey muhimmə illət, Asiya ğərbi vey muhimmə məntəğədə muğaviməti hərəkətonro İslomi Respublika bə nav şey iyən ulqu bey zınəşe və hamiyəşe: ehanə İslomi Respublika simvol niəbi, ım deşmənətion vey kam be.

Ə Həzrət inğilobi səbarzətiku bənav soronədə, sionist rejimi vədə de ərəbi 3 qılə kişvəron təchiz bıə ərtışon məğlubiyəti muğaisə kardey, əlovəş kardə: İslomi İnğilobi səbarzəti bəpeşt, sionist rejim 33 rujə canqi mıddətədə ıştə həmmə cəhdon əncom do ki Livani Hizbullah məğlub bıko əmmo muvəffəğ nıbıə və de bevəc zurəti fəror kardışe.

İslomi İnğilobi Yolə Rəhbər ijən əlovəş kardə: ımruj Fələstini işğol bıə sərzəminonədə iyən İordaniya ğərbi ru məntəğədə cıvonon jəqo hərəkət iyən həmlə kardedən ki sionist rejimi be zo kardışone.

Ə Həzrət, Siya, Mosad iyən Mİ6 cəsusiyə təşkiloton plan kəşey və behron soxtey vey muhimmə amil İnqilis zınəşe və əlovəş kardə: həlbətə əvon daxıli iyən xarıci nokəon iyən be diğğət və bə ğərbi meylışon bıə amilon bə ko qəteydən əmmo cəsusi sistemon muhimm və əsosin.