Dınyoədə İroni dəçıke milli komandaon ğəhrəmonətiku, inğilobi yolə Rəhbəri ğədrdonəti

İslomi İnğilobi Yolə Rəhbər qıləy mesaj ğolibədə İron İslom Respublika cıvonon iyən nocıvonon ozod iyən yunan roma dəçıke milli komandaonku bə dınyoədə ğəhrəmonəti mınosibəti xoto ğədrdonətiş kardə.

Bə Rəhbəri təşkiloti məlumatərosnə mərkəzi raporti əsos, İslomi İnğilobi Yolə Rəhbər Həzrəte Ayətullah Xamenei mesajədə omə: yunan roma dəçıke milli komanda əzizə cıvonon deştə səbarzəti vositə İroni milləti şoəti bois bıən.

Im mesajədə Həzrəte Ayətullah Xamenei İron İslom Respublika cıvonon iyən nocıvonon ozod iyən yunan roma dəçıke milli komandaonku ki dəvardə haftəonədə səbarz bıən vey ğədrdonətiş kardə.

Dəvardə 2 haftə mıddətədə, 4 qılə İroni komanda əcumlə nocıvonon ozod dəçıke, nocıvonon yunan roma dəçıke, cıvonon ozod dəçıke və cıvonon yunan roma dəçıke dınyo rəğabətonədə ğəhrəmon bıən.