Şanxay Təşkiloti milli həmohənqəkəyon iclosədə İroni iminnə iştirok
İroni həmohənqəkə, Ğəzaxıstoni Almatiədə Şanxay həmkoəti təşkiloti uzvon milli həmohənqəkəyon iclosədə iminnə kərəro iştirokış kardə.
Şanxay həmkoəti təşkilot qıləy devləton miyono beynəlxalğə təşkilote ki Milodi 2001 minnə sori İyunə manqi 15 minnə rujədə Ğəzaxıston, Çin, Ğırğizıston, Rusiyə, Tacikiston iyən Ozbəkistoni kişvəron səmtiku Şanxayədə bə istesmor rəsə.
Şanxay həmkoəti təşkiloti 21 minnə iclosədə İron İslom Respublika de rəsmi surət şanxay həmkoəti təşkilotədə uzv bıə.
Holi hazırədə ım təşkilot 9 qılə uzv əcumlə, Çin, Hindoston, Ğəzaxıston, Ğırğizıston, Pakiston, Rusiyə, Tacikiston, Uzbəkiston iyən İron İslom Respublika şomile və Əfğanıston, Muğolıston iyən Belarus ım təşkiloti nəzorətəkəyon hestin.
Bə İrna raporti əsos, Avqustə manqi 21 tosə 24 minnə rujədə, Ğəzaxıstoni Almatiədə, de İroni milli həmohənqəkə iştiroki, Şanxay həmkoəti təşkiloti uzv bıə kişvəron milli həmohənqəkəyon bərpo bıə.
Im iclosədə ım təşkiloti uzv bıə kişvəron miyono həmkoətion muxtəlifə baxşonədə kali mevzoon təğib bıə.
Uzv bıə kişvəron iminnə vəziron iclos,, anti terroristə fəaliyəton həmohənq kardey, təşkiloti obod kardey iyən inkişofi zəminəon icod kardey, tojə texnoloqiyaon, təşkiloti turizm sori bərnoməon təğib kardey və co qılə məsələon ım mevzoonku şomilm bəbe.
