Ərbəyine Huseyn(ə)-i şemoni barədə bə kali tələbəon məktubi İslomi İnğilobi Yolə Rəhbəri cəvob
Ərbəyine Huseyn(ə)-i şemoni barədə bə kali tələbəon məktubi cəvobədə İslomi İnğilobi Yolə Rəhbər təkidış kardə: Ərbəyine Huseyn(ə)-i muğəddəsə şemon, Seyeduşşuhəda mıcohidəton iyən hədəfədə fik və təəmoli fırsəte.
Bə Həzrəte Ayətullah Xamenei əsəron oqətey iyən muntəşir kardey təşkiloti raporti əsos, dəvardə rujonədə Tehroni məktəbxonəonku qıləyni kali tələbəon bə Kərbəli və İmom Huseyn(ə)-i Ərbəyini ziyorəti bənav qıləy məktubədə İslomi İnğilobi Yolə Rəhbər Həzrəte Ayətullah Xameneiku tələbışon kardə ta Ərbəyine Huseyn(ə)-i şemonədə veyə istifodə kardeyro tovsiyəon bəyon bıko.
Bə ım tələbəon məktubi İslomi İnğilobi Yolə rəhbəri cəvobi mətnədə omə: ım muğəddəsə şemonədə, diğğət iyən təvəssuli fırsəti dastiku mədən və ijən Seyeduşşuhəda(ə)-i mıcohidətonədə fik iyən təəmoli fırsəti və bə ım yolə fıdokorəti bərəkətoni ki Xıdo ğərorış doe bəpe har qılə mominə insoni hədəf bıbu.
Xıdovəndiku tovfiğ iyən hidoyət tələb bıkon və ım hədəfədə ğoym bımandon.
Dınyo şiəyon 3minnə İmom, Həzrəte İmom Huseyn(ə)-i şəhodəti 40 ruj bəpeşt ki de Səfə manqi 20 minnə ruj bərobəre, Ərbyin voteydən.
Im ruj bə ım xoto mşhure ki Hicri Ğəməri 61 minnə sori Səfə manqi 20 minnə ruj Kərbəlo əsiron, Şamiku oqardey bə İmom Huseyn(ə)-i dəkandə bıə vırə ziyorət kardey xoto bə Kərbəlo şeydən.
Im ruji məxsusə əməlonku İmom Huseyn(ə)-i ziyorət kardey ki mısılmonon iyən şiəyon çand ruj çımiku bənav de piyodə lenq ıştəni bə Kərbəlo rosneydən.
