Qeneral Səbahifərd: İroni həvoiyə mudafiə zumandəti, xarıcionro problem icodış kardə

İron İslom Respublika ərtışi həvoiyə mudafiə ğıvvə komandir votışe: İron, həvoiyə marzonədə de mudafiə muxtəlif və hevujə silohonku istifodə kardey bois bıə ki məntəğədə xarıcionro

Bə İrna raporti əsos, İron İslom Respubliak ərtışi həvoiyə mudafiə ğıvvə komandir, Qeneral Əlirıza Səbahifərd Xatəmol Ənbiya həvoiyə mudafiə universitiədə umumiyə sıbə vaxti mərosimədə əlovəş kardə: huşinəti və bəsirəti jintonədə mudafiə təchizaton və elmi inkişof bois bıə həm sanksiyaon kam bıbu və həm İron İslom Respublika həvoiyə mudafiə vey barzə vırədə ğəror bıqəto.

Qeneral Səbahifərd ijən təsdiğış kardə: mudafiə ğıvvon canqi hozzoəti və mudafiə ğudrət de dəvomin zumandəti iyən bə inkişof rosniye holədəy və İron İslom Respublika həvoiyə mudafiə ğıvvə de harcurnə ehtımoliyə təhdidi vədə de ğoym iyən ciddi surət muğavimət kardedə.

İron İslom Respublika ərtışi həvoiyə mudafiə ğıvvə komandir: deşmonon bəpe bıznon ki kişvər və inğilobiku mudafiə kardeyədə həvoiyə mudafiə ıştə həmmə cəhdon əncom bədoy və deştə həmmə zumandəti muğabilə kardedə.