Tehroni cımə nımoji xətib, İraği devlət iyən millətiku ğədrdonətiş kardə

Tehroni cımə nımoji xətib, bə çand milyon Ərbəyine Huseyn(ə)-i zayiron mizbonəti kardey xoto, İraği devlət iyən millətiku ğədrdoətiş kardə.

Çoşəmbə Sentiyabrə manqi 6 minnə ruj de Hicri Ğəməri 1445 minnə sori səfə manqi 20 minnə ruj de Şiəyon 3minnə İmom, İmom Huseyn(ə) iyən çəy bəfodorə əshabi şəhodəti ərbəyinə ruj be.

Həzrəte Əbbas(ə)-i muğəddəsə pokə hərəmi rəhbəriyət elanış kardə ki ımsor Ərbəyine Huseyn(ə)-i rujonədə 22 milyono 19 həzo 146 nəfər iştirokışon be.

Bə Tele-Rədio aqentiyəti raporti əsos, Tehroni cımə nımoji xətib Huccətul İslom Seyd Muhəmməd Həsən Əbotorabifərd votışe: ım siyosi, mədəni, ictimai iyən dini yolə hərəkətədə 4 milyoniku vey İronıjon iştirok qıləy yolə ğəhrəmonəti icodış kardə və ım yolə hodisə icod kardeyədə İraği devlət iyən milləti rol bə həmmə oşkoe.

Huccətul İslom Əbotorabifərd ijən ımsori Ərbəyini mərosimədə, İraği heyəton, xıdmət rosniyə xeyməon iyən merdon və jenonku ki Ərbəyini zayiron ehtırom noeyədə şovğışon be iyən bə əvon vey ehtırom əkin vey ğədrdonətiş kardə.

Tehroni cımə nımoji xətib ijən ımsori Ərbəyine Huseyn(ə)-i şemoni mərosimədə Tehroni milləti hevujə iştirokiku ki Həzrəte Əbduləzime Həsəni(ə)- pokə hərəmi kənoədə iştirokışon be ğədrdonətiş kardə və Tehroni ostani şərifə milləti ım hərəkət çəvon ğoymə bovə iyən mehkəmə imoniku zınəşe.