Rusiyə mudafiə vəzir de Qeneral Bağıri vindemonış kardə

Rusiyə mudafiə vəzir ki bə Tehron səfərış kardə de İroni silohinə ğıvvon həmmə ğərorqoh yol vindemon iyən votımonış kardə.

Bə İrna raporti əsos, İroni silohinə ğıvvon həmmə ğərorqoh yol Qeneral Muhəmməd Bağıri və Rusiyə mudafiə vəzir Serqey Şoyqo ım vindemonədə mudafiə diplomatiya inkişof, 2tərəfi həmkoətion hevujəti, de mıştərəkə təhdidon iyən beynəlxalğə terrorizm mubarizə bardey sıhbət kardışone.

Rusiyə mudafiə vəzir bə İroni silohinə ğıvvon həmmə ğərorqoh yol rəsmiyə dəvəti əsos bə Tehron səfərış kardə iyən ıştə səfə mıddəti dəvomədə de İron İslom Respublika hərbi ali rəsmi şəxson vindemon və votımonış kardə.

İron və Rusiyə 2tərəfiyə zəminəonədə xususi iğtisodi, hərbi və əmniyyəti rabitəon bardə ijən məntəğə və beynəlxalğə məsələon bənə de Amerkə unilateralizm mubarizə bardey strateqiya mıştərkə mənafe soybin və dəvardə soronədə ım amilon çəvon nezə həmkoətion illət be.