Rəyisi: de sionist rejimi rabitəon normal kardey absurde

İron İslom Respublika prezdent bəyonış kardə: təslim iyən sazış səçın məhv bıə iyən votışe: de sionist rejimi rabitəon normal kardey absurde.

Bə İrna raporti əsos, Tehronədə İslomi vəhdət Beynəl-Xalğ 37 minə oj bemoni mərosimədə, İron İslom Respublika prezdent Seyd İbreym Rəyisi votışe: ımruji vəhdət məzhəb və ya coqrafiyaədə vəhdəti mənoş ni, bəlkəm islomi umməti mənafe oqəteyro ittifoğ iyən vəhdət mənoşe.

İron İslom Respublika Prezdent ijən əlovəş kardə: deşmon pidəş ni ki İslomi ummət vəhdətışon bıbu ımruj har kəs vəhdəti cəhətədə hərəkət bıkon, islomi roy cəhətədəə hərəkətış kardə və ehanə deştə ğələm ya qəmon təfrəğə cəhətədə cəhd bıkon, deşmoni roy cəhətədə hərəkətış kardə.

Rəyisi ijən təkidış kardə vəhdətədə İslomi umməti vey muhimmə xusiyəton Fləstin iyən şərifə Ğudsi ozodie. əv ijən əlovəş kardə: de sionist rejimi rabitəon normal kardey dumoədə har qılə devlətiro funqsiya absurd royədəy.

İron İslom Respublika prezdent ijən təkidış kardə: de deşmoni mubarizə bardey roy, sulh iyn sazış ni, bəlkəm muğaviməte ki devləti bə dumo şey məcbur kardedə.

Rəyisi ijən bəyonış kardə: İslomi vəhdəti beynəlxalğə konfrans anti sionist iyən anti sultə nizome, əv ijən əlovəş kardə6 ımruji vəhdəti strateqiya karde bəzne islomi umməti deşmonon vədə zumand bıkon və deşmoni tərkibi canqi vədə vəhdət hələkə roye.

Votey bəbe ki Sentiyabrə manqi 28 minnə rujiku tosə Oktiyabri 3 minnə ruj, beynəl-Xalğ 37 minə Vəhdət konqıres de " bə mıştərəkə erjon dast peydo kardeyro İslomi həmkoətion" mevzu, və iştirok iyən vebinari ğolibədə bərpo bey holədəy.