Moyəvonəti baxşədə İron və Rusiyə həmkoəti hevujəti

İroni moyəvonəti təşkiloti yol iyən Rusiyə Federal aqentəti yol bə 2 qılə kişvəri həmkoəti hevujəti təkid kardışone.

Bə İrna raporti əsos, Sankt-Peterburqədə moyəvonəti beynəlxalğə nımoyişqo bərpo bey kənoədə İroni moyəvonəti təşkiloti yol, Seyd Huseyn Huseyni, de Rusiyə moyəvonəti Federali aqentəti rəyis Şestakofi vindemonədə bə İron və Rusiyə miyono moyəvonəti həmkoəti hevujəti təkid kardışe iyən Tehronədə moyəvonəti beynəlxalğə nımoyişqohədə iştirokiro Rusiyəku dəvətış kardə.

Huseyni ijən votışe: de Tehroni nımoyişqoh həmzəman, Rusiyə şirkəton iyən taciron və moyəvonəti rəsmi şəxson iştiroki kənoədə, himoyə kardey baxşədə sazışon əməli bey hələkəroon, moyəvonon səlomət, puli vırə bə vırə kardey iyən co qılə məsələon təğib bəbe.

İroni moyəvonəti təşkiloti rəyis ijən Sankt-Peterburqədə moyəvonəti beynəlxalğə nımoyişqoh bərpo bey vey çok elanış kardə.

Im vindemonədə həmçınin Rusiyə moyəvonəti Federali aqentəti rəyis, Şestakof ticori, təhğiği, moyon prosniye, İronədə investisiya baxşonədə bə 2 qılə kişvəri həmkoəti kanəti işorəş kardə iyən 2tərəfiyə rabitəon hevujəti tələbış kardə.