Rəyisi de İsmoyl Həniyyə iyən Ziyad Ənnəxalə telefoniyə votımon

İron İslom Respublika prezdent de İslomi cihodi hərəkəti sərkatib iyən Fələstini İslomi muğavimət (HƏMAS) hərəkəti siyosi təşkiloti rəyis telefoniyə votımon əncomış do.

Bə İran Peres aqentiyəti raporti əsos, Seyd İbreym Rəyisi de İslomi cihodi hərəkəti sərkatib Ziyad Ənnəxalə iyən Fələstini İslomi muğavimət (HƏMAS) hərəkəti siyosi təşkiloti rəyis İsmail Hənyə Fələstini təhəvulaton barədə votımonış kardə.

Şənbə Fələstini muğaviməti ğıvvon "Ələğsa Tufan"-i nomo əməliyotədə bə işğol bıə ərazi əcumlə Telaviv, Aşdod de rəket vositə həmlə kardışone.

Bə işğol bıə sərzəminon, de muğaviməti ğıvvon rəketi həmləon həmzəman Həmasi canqəkəyon bə Ğəzzə tanqə ətrofədə bıə sionist rejimi qədə şəhron nıfuz kardışone və çand qılə sionist rejimi hərbiçi əsir kardışone və çand qılə məntəğə həm bəştə dast qətəşone.

Fələstini muğaviməti co qılə qrupon həm Həmasiku ıştə komilə himoyə elan kardışone və xəbə doşone ki de Həmasi canqəkəyon bə ico canq bəkan.

Həmçınin israili ğıvvonku çand həzo kıştə bıə kəson şikil həm muntəşir bıə və muxtəlifə videoonədə bə Ğəzzə tanqə sionist rejimi hərbiçion cəsədon vırə bə vırə kardey vindey.

Zinə İşəmbə sionist rejimi səhiyyə vəzorətxonə elanış kardə ki tosə ısət, ım rejimi kıştə bıə kəson bə 600 nəfər rəsə iyən 2 həzoku vey həm zəxmin bıən.