İroni rəketi sanksiyaon bə oxo rəsə

Bə İ Bıə Milləton Təşkiloti 2231 nomo ğətnomə əsos, İroni rəketi sanksiyaon bə oxo rəsedə.

Har çand ki de HMHP (Hartərəfinə Mıştərəkə Hərəkəti Plan)ku Amerkə unilateralizmi xarıc bey vositə, atomi və iğtisodi sanksiyaon peqətey bə vırə rəsə ni əmmo zinə Çoşəmbə Oktiyabrə manqi 18 minnə ruj, İron İslom Respublikaro, siloh və hərbi baxşədə sanksiyaon və məhdudiyəton peqətey vey muhimmə baxşonku qıləynie.

İroni siloh və hərbi məhdudiyəton bə ım xoto icod bıə be ki Amerkə və Avropa kişvəron de botilə iddion və de beynəlxalğ və siyosi nıfuzon, dəvardə soronədə İroni kali hərbi fəaliyəton de İroni atomiyə bərnoməon rabitə zınəşone və ım baxşədə zalımonə sanksiyaon bə İron icbor kardışone.

Hərbi baxşədə İron, hiç vaxt ıştəni məhdud və bə beynəlxalğə siyosi şəroyet vabəstəş nıkardəşe və həmişə ıştə hərbi, əmniyyəti və mudafiə bərnomə de zumandəti bə nav bardəşe.

Bə İsna raporti əsos, və bə İ Bıə Milləton Təşkiloti 2231 nomo ğətnomə əsos, zinə rujiku İron karde bəzne de ballistik rəketon rabitədə har curnə fəaliyəton ki de atomiyə siloh ğabeliyətış heste, əncom bıdə.

Bə ım ğətnomə əsos, dınyo kişvəron icborışon ni ki bə İron ya İroniku kali rəketon, dronon və ım baxşədə texnoloqiyaon ovoştoniye bənav, Əmniyyət Şura təşkilotiku icozə bıqəton.

İjən İ Bıə Milləton uzv bıə kişvəron, İroni atom iyən rəket bərnoməonədə bəpe şəxson molon iyən co qılə təşkiloton molon ozod bıkon.

zinə rujiku bəpeşt həmmə ım məhdudiyəton və sanksiyaon peqətey bəbe ğərəz ım ki İ Bıə Milləton Təşkiloti Şura de qıləy iclos təşkil doey vositə, ım məsələon və peqətə bıə maddon ıştə muxalifəti elan bıkon.