De Həzrəte Xanım Fatimə Məsumə(s) bəfoti sorqardışi mınosibəti səbıəsəloməti.

Şiəyon 8-ə İmom Həzrəte Rıza(ə) qiramiyə hovə Xanım Fatimə Məsumə(s) bəfot sorqardışədə, İslamiyə İroni həmmə məntəğəon matəmədəy.

Imruj 5şənbə Hicri Ğəməri 1445 minnə sori, Rəbiosani manqi 10 (Miladi 2023 minnə sori Noyabrə manqi 5 minnə ruj), de şiəyon 8-ə İmom Həzrəte Rıza(ə) qiramiyə hovə iyən şiəyon 7-ə İmom Həzrəte Musə Kazim(ə)-i qiramiyə kinə, Xanım Fatimə Məsumə(s) bəfot sorqardışi bərobəre.

Ğomi cəmaət iyən şahrvandon zinə şəviku de Kərimeye Əhli-Beyt(ə)-i rehləti həmzəman siyoh və ğəm boydəği rost kardəşone ta bə ım aliğədr iyən məhtərəmə xanımi ıştə eşğ və irodəti nışo bıdən.

Har sor həminə mınosibəti xoto Ğom muğəddəsə şəhrədə bıə Həzrəti pokə hərəm de əzodorə cəmaəti pur bəbe,

Zinə şəv həm ım bozorqvarə Xanımi pokə hərəmədə nohə, nıtğ iyən ziyorət mərosimon əncom bıə iyən ə Həzrəti ziyiron əzodorəti kardışone.

İroni Rəşt şəhri Tolışi Rədio koəkəyon tərəfo ım matəmə ruji, Xanım Fatimə Məsumə(s) Kərimeye Əhli Beyt(ə) bəfot karde sorqardışi bə şımə təsliyət ərz kardəmon.