İslomi İnğilobi Yolə Rəhbər: Ğəzzə bəşəri vijdoni bə hərəkət vardedə.

İslomi İnğilobi Yolə Rəhbər Ğəzzə milləti səbr iyən istadeqi muvəffəğiyəton təbyin kardeyədə hamiyəşe: Ğəzzə millət deştə səbri vositə, bəşəri vijdoni bə hərəkət vardedən.

Bə Rəhbəri məğomi ofisi məlumatərosnə mərkəzi raporti əsos, Həzrəte Ayətullah Xamenei çand həzo İroni universiton tələbəon və tələbəon vindemonədə, Ğəzzədə Amerkəvıjə iyən sioniston fociə icod kardey, torixədə mislış nıbıə fociə zınəşe və təsdiğış kardə: bə Fələstini milləti dardon xoto xususi Ğəzzəro  çəmə dılon xune əmmo  bə ım hodisəon nığıl surət diyə kardey, oşko bəbe ki ım meydoni səbarz, Ğəzzə iyən Fələstini millət hestin ki karde zınəşone yolə ko əncom bıdən.

İslomi İnğilobi yolə Rəhbər ijən Ğərbion simaku insoni həxon duə niğobi peqətey və çəvon resvuçiyəti əcumlə Ğəzzə milləti təslim nıbey və istadeqi və səbri əsəronku zınəşe və əlovəş kardə: Ğəzzə millət deştə səbri vositə, bəşəri vijdoni bə hərəkət vardışone, muşahidə karderon ki ımruj veyə cəmiyəton hətto Amerkə və ğərbi kişvəronədə bə israili ələyh iyən bə Amerkə ələyh şuar dodən.

Həzrəte Ayətullah Xamenei ijən de işorə bə təhğirəkə zərbəon ki Ğəzzə milləti səbr və istadeqi bə pesoxtə bıə rejim iyən çəy istikborəkə himoyə kardə kəsoni abru varid kardəşe iyən hamiyəşe: ehanə Amerkə həmmə tərəfiyə koməkon məbu, çand ruji mıddətədə sionist rejim eflic bəbe.

İslomi İnğilobi Yolə rəhbər 3 haftə mıddətədə 4 həzo hırdəni ğətli-am kardey torixədə mıslış nıbıə cinoyət zınəşe və Ğəzzə hodisəon vədə, de təkid bə  İslomi umməti huşinəti, ki həğiğətədə həx və botil iyən imon və istikbori və bə və omey meydone, ijən təsdiğış kardə: istikbori ğudrət de bomba və hərbi təziğ, fociə və cinoyət bənav şeydə əmmo bə İlohi tovfiği əsos, imoni ğudrət bə həmmə ım məsələon ğələbə bəkarde.

Həzrəte Ayətullah Xamenei ijən de təkid bə İslom dınyo bəsic bey zərrurət, Ğəzzədə bombardımon iyən cinoyəton təcili bırniyero İslomi devləton isror vey zəruri zınəşe və ım devlətonku tələbış kardə bə sionist rejimi nat və xorəkon rosniye roy ğət bıkon iyən de ım rejim iğtisodi həmkoəti bə kəno bınən və həmmə qlobal ictimaonədə ğoym, be pəltəqe iyən 2 curn sıhbət kardey və de barzə sədo, sionist rejimi cinoyəton və focion məhkum bıkon.

İslomi İnğilobi Yolə Rəhbər ijən de işorə bə dınyo duvojon resvuçiyəti ki Fələstini mubarizə kardə kəson terrorist zıneydən, ğərbi mediyaon və siyosi şəxsiyəton həğiği be həyoçiyəti nışonə zınəşe və ım sovali bəhs kardedə ki: aya, i kəs ki ıştə kə və vətəniku mudafiə kardedə, terroriste: Aya Fransəvıjon ki Parisədə 2minnə yolə mıhoribədə de Almaniyavıjon mubarizə kardışone terrorist bin? çoknə ki əvon Fransə fəxrin və mubariz bin əmmo HƏMAS və Cihodi cıvonon terroristin?