Putini mesaj bə İron İslom Respublika prezdent rəsə

Rusiyə prezdenti məxsusə vığandə kəs, bə İron İslom Respublika prezdenti Veladimir Putini mesaji bə Milli əmniyyəti ali şura sərkatib rosnişe.

Bə İrna raporti əsos, Rusiyə prezdent Veladimir Putini məxsusə nımoyəndə, Əleksander Laverntif, bə Tehron ıştə səfə cərəyonədə de İroni milli əmniyyəti ali şura sərkatib, Əli Əkbər Əhmədiyan vindemon və Rusiyə prezdenti mesaj bə İroni milli əmniyyəti ali şura sərkatib təğdimış kardə ta bə İron İslom Respublika prezdent, Seyd İbreym Rəyisi bırosno.

Im vindemonədə, məntəğə oxonə təhəvvulaton, Ğəzzə vəziyət iyən ım təhəvvulaton barədə, 2 qılə kişvəri həmkoətion metod, təğib bıə.

Laverntif ijən de Siyosi məxsusə koonədə İroni xarıci koon vəziri ali mışovir Əli Əsğər Xaci həm vindemon və məntəğə iyən Suriyə oxonə təhəvvulaton barədə xususi Ğəzzə məzlumə milləti vədə sionist rejimi cinoyəton barədə votımonışon kardə.

2tərəf ijən ım vindemonədə Suriyə oxonə təhəvvulaton, əcumlə siyosi və meydoni oxonə vəziyət və Suriyə siyosi prossesi dəvom doey və həmçınin humanitar və iğtisodi vəziyəti çok kardeyro 2tərəfi təşəbbuson bəyon bıə.