Beynəlxalğ səthədə elmi həmmə tərəfiyə həmkoətionro İroni hozzoəti

İron İslom Respublika prezdenti elmi muavin bəşər həxon həxədə, bə elm, texnoloqiya və bə elmi əsos bıə şirkəton rol təkidış kardə.

Bə Tele-Rədio aqentiyəti raporti əsos, İMT bəşər həxon şura ictimai asembleyə 15 minnə iclosədə İron İslom Respublika elmi muavin, Ruhollah Dehğani,bə İroni elmi inkişof və bə elmi əsos bıə şirkəton ələyh itərəfiyə ğeyzinə hərəkəton məhkum və bə vey çokə dınyo dast peydo kardey cəhətədə texnoloqiya, elmi həmmə tərəfiyə həmkoətionro İroni hozzoəti elanış kardə.

Dehğani ijən de işorə bə koronavirusi zəmonədə bə elmi əsos bıə şirkəton vey muhimmə rol ifo kardey votışe: de ım vucud ki İron de muxtəlifə iğtisodi sanksiyaon dim bə dim be, de çəşəçi surət, ıştə cəmiyəti miyonədə bə 76 faiz peyvən jəey dast peydoş kardə.

İron İslom Respublika elmi muavin ijən əlovəş kardə: bə elmi əsos bıə şirkəton fəaliyəton bə insoni vey muhimmə həxon oqətey bənə jimoni, səlomət, ko və inkişofi həx, nığılə təsirış heste, və eyni holədə ictimaədə de be ədoləti, fəğr iyən bekoəti həm mubarizə kardedən.

Dehğani ijən bə elmi inkişof və bə elmi əsos bıə şirəkəton ələyh kali ğeyzinə hərəkəton vey no umoəkə hərəkət zınəşe və təkidış kardə: ım hərəkəton nə fəğət har qılə İroni həxon darşiyedə bəlkəm de şiddətin behroni şəroyetədə beynəlxalği həmkoəti və inkişofiro mane icod bəbe, bə çəy xoto əmə tələb kardedəmon dınyo elmi inkişofi çok iyən insoni həxon rosniyero, jıqo hərəkəton bə oxo bırosnon.