Ğəzzəku himoyə kardeyədə, İroni kinematoqrafçiyon məktub

İroni koni kə və Tehroni sulh muzey bə İMT sərkatibi xitob, qıləy mıştərəkə məktubədə Fələstini milləti ğətli-ami oqətey tələbışon kardə.

Bə İran Peres aqentiyəti raporti əsos, ım məktobədə, 100 nəfəriku vey, İroni kinematoqrafçiyon İMT sərkatib, Antoniyo Qutereşiku tələbışon kardə ta ıştə həmmə cəhdon əncom bıdə və bə Ğəzzə jenon, hırdənon və mulki şahrvandon ələyh zılmi vəy bıqəto.

Im məktubədə ijən omə: İMT sərkatib de diğğət bəştə vırə bəpe bə Ğəzzə sionist rejimi həmləon oqəto.

Votey bəbe bə Ğəzzə tanqə sionist rejimi ləşkəri həmləon nəticədə ki Oktiyabrə manqiku bino bıə be, və tosə ısət dəvomış heste, Fələstini şəhidon miğdor, bə 11 həzo 208 nəfər rəsə ki ım miğdoriku 4 həzo 506 nəfər hırdən, 3 həzo 27 nəfər və 678 nəfər həm piyə odəmonin.