Məno-To kanali tətil bey dəlili təğib kardey

Ğəzzə canq sionist rejimiro vey qıvonə xərcon icodış kardə, ım canqi nəticəonku qıləyni İron İslom Respublika deşmonə mediyaonku ım rejimi moliyə himoyəon kam bey bə hisob omeydə.

Peşo ki sionist rejim elanış kardə hərbi koonədə istifodə kardeyro çəy təbliğotiyə budcə kam bıə, Mənoto nomo kanal, qıləy bəyoniy ğolibədə tosə vəomə 2 manqi mıddətədə ıştə fəaliyəti bə oxo rosniyeku xəbəş do. Im kanal ki anti İroni cərəyoni mediyaonku qıləyni bə hisob omeydə və İronədə bənə Səltənət tələbon iyən Bəhaiyəti reportaji mediya zıney bıdə, ıştə Teleqram kanalədə və mesaji ğolibədə ım kanali tətil beyku xəbəş do.

Im mesaj ki de ım kanali bəhaiyə rəyison yəni Keyvan və Mərcan Əbbasi imzo muntəşir bıə, elanış kardə ki ehtımolış heste tosə Milodi 2024 minnə sori Yanvari oxonə rujonədə bə ıştə fəaliyət dəvom bıdə və peşo de ım kanali Xıdohafızi bəkan.

Im televeziya kanal ki təğribən de Farsi “BBC” və “Amerkə Sədo” televeziya iyən İroni daxıli daveon pikədə və 1388 minnə sori İroni prezdenti səçıni bəpeşt fitnəon və de bə İron İslom Respublika ələyh cərəyonon icod kardey iyən siyoh nışo doey məxsusə məmuriyət ıştə ko binoş kardə be, ısət elanış kardə ki bə budcə kam bey xoto ya həmonə moliyə himoyən dastiku doey illət, icbor surəti tətil bəbe.

Əmmo həminə holədə Mənoto kanali tətil bey illəti barədə, ım kanali mudiri etırofiku muntəşir bıə film, vey hevujə reaksiyaon bois bıə, ım filmədə Mənoto mudironku qıləyni Mərcan Əbbasi voteydə: məntəğədə iğtisodi və siyosi besatabiləti bois bıə ki ım mediya dəbastə bıbu.

Vey oşkoe ki ım şəbəkə amilon oxonə sıxənon təğib kardey karde bəzne ım kali həğiğəton oşko bıko, boçi ki həm ım kanali himoyə kardə kəsoni no umu beyku hikoyət kardedə və həm ım həğiğəti nışoş do ki Ğəzzədə canqi dəvomiro sionist rejimi qıvonə xərcon, ım kanali tətil beyro ğərol qəteyədə, vey muhimmə amilonku be.

Həminə cəhətədə, Haarets, iğtisodi sər redaktor, Deyvid Rozenberq, Faren Palisiədə ıştə məğolədə nıvıştəşe: xərcon ziyod bey xususi canqi baxşiro umumiyə xərconku ixtisos doey, israili budcə təziği jintonədə ğəror doəşe.

Co qılə nuktə Mənoto kanali funqsiyaku no rizoyəti mevzue, əqəçı əvvələdə ım kanal jimoni metod iyən həmrəğəti baxşonədə bənə qıləy mediya ıştə ko binoş kardə be əmmo dəvomədə İron İslom Respublika hukuməti məhv kardeyro vey rolış ifo kardə,ısət  əmmo bə nəzə rəseydə ki ım kanali funksiya nəticə çəy sərmoyə noə kəsonro rizoyətəbaxş ni boçi ki hiç qılə ım hədəfon anədə muvəffəğ nıbe ki sponsoron çəyro bəştə moli xərcon dəvom bıdən.

Imruj de sionist rejimi Amerkə oşkoə həmkoəti vecudi, iyən ım rejimiku həmmə milləti nifrət və ijən mənoto kanali muxatəbonro ım kanali etıbo sə bey, İroni ictimaədə sultə nizomi bərpo kardey ki ım kanali vey muhimmə məmuriyətonku be hiç vax bə vırə nibərəse.