İrəvani: Ğəzzə millət, canqi cinoyəton şoydin, hamdardi nışo doey vəst ni

İMT-ədə İroni nımoyəndə iyən səfir Əmir Səid İrəvani votışe: Ğəzzə millət de sionist rejimi hucumi, canqi cinoyəton və bə bəşəriyəti ələyh qenosidi şoydin və jığo şəroyetədə hamdardi nışo doe vəst ni.

Bə İran Peres aqentiyəti raporti əsos, zinə və İMT təşkiloti umumiyə asembleyədə, Ğəzzə vəziyəti barədə Əmir Səid İəvani əlovəş kardə: de ım vecud ki Ğəzzə millət otəşvəsiro beynəlxalğə təşkilotonku əcumlə umumi asembley və əmniyyət şura təşkilatonku komək tələbış kardə, əmmo ijən sionist rejimi vəhşiyə canq həmçınan dəvomış heste.

İMT-ədə İron İslom Respublika ali diplomatiya bəyonış kardə ki jığo şəroyetədə hamdardi kofi ni, əv ijən təkidış kardə: umumi intizor ıme ki bə 121 qılə uzvi makzimum nəzə əsos, umumi asembley ğətnomə vey muhimmə mehvəron bə imzo bırəse xususi təcili və stabilə otəşvəs.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.

Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 10 həzoku vey əlovə bıə ki ım miğdoriku vey jenon və hırdənonin. molki şahrvandon ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.