İslami: aqentəti bəpe bə sionist rejimi atomi təhdidon reaksiya nışo bıdə

İroni atomi enerji təşkiloti yol bə sionist rejimi iminnə vəziri atomi təhdidon reaksiyaədə votışe: həmmə hodisəonədə aqentəti məsuliyətış heste.

Zinə və devləti heyəti iclosi kənoədə İroni atom enerji təşkiloti yol, Muhəmməd İslami bə İran Peres jurnalisti soali cəvobədə əlovəş kardə: həmmə hodisəonədə aqentəti məsuliyətış heste, boçi ki sionist rejim NPT iyən Padmani imzoş nıkardə və ımruj ım rejim de atom bomba dınyo təhdid kardey holədəy.

İroni atom enerji təşkiloti yol ijən təkidış kardə: ımruj har zəmoniku vey sionist rejimi zoti oşko bey holədəy.

İslami ijən təsdiğış kardə: ımruj dınyoədə milləti ım oqohəti və Fələstini məlumiyətiku himoyə kardey bois bəbe sionist rejim har çəxtə beabru bıbu.

Əv de təkid bə ım ki ımruj har zəmoniku vey ım rejimi zoti oşko bey holədəy ijən ıştə umu nışoş do ki həmonə ruj bırəsi ki beynəlxalğə təşkilaton həğiği surət beynəlxalğə sulh və əmniyyəti icod bıkon.