Əmirəbdullahiyan: Amerkə bəpe israili cinoyətkoroku ıştə himoyəon oqəto

İroni xarıci vəzir, Huseyn Əmirəbdullahiyan votışe: bə canq icod kardə kəson ki Ğəzzə və ğərbi sahilədə, canqi hevujəti dumoədən nota dodəmon ki ta di nıbıə israili cinoyətkoronku Amerkə ıştə himoyəon oqəto.

Bə İrna raporti əsos, zinə şəv, Huseyn Əmirəbdullahiyan de Omani xarıci vəzir, Bədr Əlbosəidi qıləy xəbəiyə iclosədə əlovəş kardə: şənbə ruj, muğaviməti rəhbəronku məsəmone ki ehanə ım vəziyət dəvomış bıbu, məntəğə bə tojə mərhələ varid bəbe, məntəğədə canqi nığıləti inkişof təsəvvur kardənine və bə həmmə tərəfon ki canq icod kardey dumoədən nota dodəmone ki ta di bıə ni ım ğətli-ami oqəton.

Əmirəbdullahiyan ijən votışe: dınyo həmmə devlətonku tələb kardedəmon ki ım canqi oqəteyvə sutemon və co qılə humanitatə koməkon vığandeyro Rəfəh marzi oj kardeyro mınosibə hərəkəton əncom bıdən.

Əv ijən dəvomış do: bə sionist rejimi rəsmi şəxson  ələyh beynəlxalğə məhkəmə icod kardey qıləy umumiyə tələbe və kali devləton səmtiku əcumlə İron səmtiku və de çand qılə kişvəri həmkoətiədə, şikoyətoni bino bıə və umumon heste ki canqi cinoyətkoron mıhokimə şoyd bıbəmon.

İron İslom Respublika xarıci vəzir dəvomədə ijən təsdiğış kardə: İron və Omani rabitəonədə vey çokə inkişofon əncom bıə və 2 qılə kişvəri devlətonədə həmmə baxşon təvafuğon təğib bey holədəy.

Əmirəbdullahiyan ijən əlovəş kardə: dışəmbə rujədə de Səmt vəziri mizbonəti vositə, Tehron və Maskati iğtisodi 20 minnə mıştərəkə kamissiya bərpo bəbe. 

Əv ijən votışe :İron İslom Respublika iğtisodi vəzir vey rə iğtisodi və qomroki  sazışon imzo beyro bə Maskat səfər bəkay.

Bədr Əlbosəidi həm votışe: sionist rejimi canqi kabinetədə de Amerkə mudafiə vəziri iştiroki, bə Ğəzzə və ğərbi sahilədə sionist rejimi tojə həmləon bio bıə.

Omani xarıci vəzir ijən təkidış kardə: i tərəfiku Amerkə mediyaonədə bə israil tovsiyə kardedə ki jenon, hırdənon və molki şəxson ğətli-ami oqəto əmmo əmələdə israiliku himoyə kardedə.

Bədr Əlbosəidi ijən təsdiğış kardə: be şək, İron və Omani rabitəon har ruj əlovə bey holədəy və muxtəlifə msələonədə ım inkişof əncom bey holədəy.