İroni səfir de Ərəbisrtoni xarıci vəzorətxonə beynəlxalğə muavini vindemon və votımonış kardə
Ərəbistonədə bıə İron İslom Respublika səfir və ım kişvəri xarıci vəzorətxonə beynəlxalğə muavin, 2tərəfiyə həmkoətion hevujəti barədə deyande vindemon və votımonışon kardə.
Bə İrna raporti əsos, Ərəbistonədə bıə İron İslom Respublika səfir Əlirıza Enayəti deştə şəxsiyə səhifədə nıvıştəşe: de Ərəbistoni xarıci vəziri vəzorətxonə beynəlxalğə muavin Əbdul Rəhmanolrəsi vindemonədə, məntəğə və beynəlxalğə təşkilatonədə 2 qılə kişvəri həmkoətion ijən islomi həmkoəti təşkilati barədə sıhbət bıə.
Dekabrə manqi 10 minnə rujədə Ciddədə İroni sərkunsol, Həsən Zərneqar Əbərğoi ıştə ko binoş kardə.
Milodi 2023 minnə sori Martə manqi 10 minnə rujədə, və 2 sor bəpeşt, de İrağ və Omani mizbonəti vositə, və Pikenədə 2 qılə kişvəri milli əmniyyəti təşkilaton rəsmi şəxson çand rujə votımon iyən vindemoni bəpeşt,de qıləy bəyoniyə muntəşir kardey vositə ıştə rabitəon normal kardeyro Tehron və Ər-Riyad i təvafuğiku xəbəşon do.
