Məntəğə vəziyəti barədə İron və Ərəbistoni səfiron məşvərəton
İron və Ərəbistoni səfiron 2tərəfi və məntəğə mevzuon barədə deyande məşvərət kardışone.
Bə İrna dışəmbə ruji raporti əsos, Ər-Riyadəsə İron İslom Respublika səfir, Əlirıza Enayəti və Tehronədə Səudi Ərəbistoni səfir Əbdullah Ələnzi deyande vindemon kardışone.
İron və Ərəbistoni səfiron 2tərəfi və məntəğə mevzuon barədə deyande məşvərət kardışone.
Cımə rujədə Enayəti de Əlşərğ Ələosəd rujnomə votımonədə Fələstini millətiku himoyə kardeyro de Ərəbistoni həmkoətiro bə İroni hozzoəti təkidış kardə.
Ərəbistonədə bıə İroni səfir həminə barədə votışe: Ğəzzə tanqədə otəşvəsi oqətey, bə Fələstini be mudafiə milləti ələyh beədolətinə canqi hevujəti vəy qətey, hırdənon ğətli-am iyən veyə mısibəton və vironion vəy qəteyro,Tehron harcurnə cəmi hərəkət və təşəbbusiku himoyə kardedə.
Ər-Riyadədə bıə İroni səfir ijən əlovəş kardə: İron İslom Respublika de Səudi Ərəbistoni həmkoəti, məntəğə və beynəlxalğə təşkilaton və həmmə tərəfon bə ico, Fələstini millətiku himoyə iyən işğolçiyon vədə təsironə roli ifo kardeyro hozzoe.
