Bə dınyo məsihiyon Miladi nuyə sori təbrik
Imruj, Dışəmbə, Miladi 2024 minnə sori Yanvari iminnə ruj, Miladi nuyə sori binovrəy.
İron İslom Respublika bə həmmə məsihiyon Miladi nuyə sori təbrik votey xususi İroni məsihiyon, əvonro dınyo hevujə ədolət, sulh, oroməti və bərəkətinə sor urzuş kardə.
İron İslom Respublika prezdent, Seyd İbreym Rəyisi və İroni co qılə rəsmi şəxson, bə məsihi kişvəron milləton və yolon iyən rəsmi şəxson Miladi tojə sori bino bey təbrik votışe və həmməro xususi məsihiyonro Miladi tojə sorədə sulh v səloməti iyən xuşhali orzuş kardə.
İron İslom Respublika mesajədə omə: ımruj vey muhimmə behron ki bəşəri ictima bəy qiriftore, de sionist rejimi vositə, Ğəzzə tanqədə beqınohə milləti ğətli-am kardeye ki Miladi 2024 minnə sori astanədə bəpe dınyo Rəhbəron mıştərəkə koməki jiədə beynəlxalğə assembliyə səmtiku və ım anti bəşəri ğıtli-ami oqəteyədə təcili hərəkəton əncom bıbu ta hmmə dınyoədə stabilə əmniyyət və sulh icod və zılm və sultə tələbəti məhv bıbu.
Həzrəte İsa(ə) İlohi yolə peyğəmbəronkue ki Kərimə Ğıronədə vey əyku təğdir bıə.
Kərimə Ğıroni veyə ayəonədə bə ım peyğəmbəri rol iyən vırə bənə ululəzmi peyğəmbəronku qıləyni yod bıə.
