Rəyisi:Regioni əmniyyət bə şəhid Suleymani şucoəti ğarzıxoye

İron İslom Respublikə prezdent çe regioni ımrujnə əmniyyəti İslomi İnğılobi Muhafizə Korpusi “Ğüds” ğıvvon sabiğ komandan,şəhid general-leytenant Ğasım Suleymani şucoəti sayədə hisob kardedə.

Çoşambə ruji(3 yanvar)İslomi İnğılobi Muhafizə Korpusi “Ğüds” ğıvvon sabiğ komandan,şəhid general-leytenant Ğasım Suleymani çominə sorəqardışi mərosimi zəmonədə və çe İroni cənubədə,Kermanədə bə Qolzare Şuhadə şıə roysə dıqlə intihorçiyə terroristi ki,DAİŞ terror qrupi çəy məsuliyyətış bəştə ehdəş peqətə intihori əməliyyotış bə jimon dəvordınə.

Çın teroristə əməliyyoti nəticədə mərosimi zəvvoron miyono 89 nəfər şəhid bıə və 284 nəfər həm zəxmin bıə.bə tele-rədyo xəbə agentəti məlumoti əsos,

İron İslom Respublikə prezdent Seyd İbreym Rəyisi cımə ruji Kerman şəhərədə İmom Əli(ə) musəlloədə terrorə cinoyəton şəhidon dəfn mərosimədə bə şəhid general-leytenant Ğasım Suleymani de istikbor iyən terrori mıborizədə nışon doə şucoət və səyon işorəş karde və elonış karde ki,şəhid Suleymani məntəğədə bə istikbori zidd çı mığoaviməti cərəyoni icod bıey və dışmeni bə dumo pekırey məcbur kardey boyis bıə.

İron İslom Respublikə prezdent çe general şəhid Ğasım Suleymani DAİŞ terror qrupi məhv kardey və reqiyonədə əmniyyət bərqəror kardeyış bəyon karde. Rəyisi ımruj İslomi milləton oğoətiş çe şəhidon xuni bərəkətış hisob kare və təkidış karde: Əl-Əğsa tufoni əməliyyot (7 oktyabr 2023-ə sori) seonist rejimi oxoy bəvarde,əmə terrorçiyonku xısos bəstənemon.

İslomi İnğılobi Muhafizə Korpusi komandan general-mayor Huseyn Səlami çe Kermani terrorə cinoyəti şəhidon dəfn mərasimədə ın cinoyəti regionədə çe istikbori qonə məğlubiyyəti təzahurış hisob kardə və bəyon kardə ki,İron oxonə çandə da soron canqonədə bə Amerkə ğalib omə.

İrağ,Əfğanıston,Livan,Suriya və Yəmənədə bıə məğlubiyyətiku əlovə,amerkəvıjon de bə İronu zidd hevujə sanksiyəon bəştə məğsədon noyil bıey nızınin və ısət boəvon bə mısılmınon sulət pəydu kardero qıləy betəhlukə vırə ni.

General-mayor Səlami İŞİD-i çe Amerkə İslomi dınyo xəritə ovaxtey siyosəti məhsulış hisob kardə və Amerkə çın plani bənə digər terror və təfrığə planon iflos bıey işorə kardə holədə bə terroriston xəbərdorətiş doe və voteşe: “ehyanə merdiyon,komco beydə bıdə bıbu bonənən deəmə canqkənən.əmə şıməni pəydu bəkardemon və bəşmə hukmronəti kardey icozə nibədomon.