De dınyo şiəyon 1 minnə imomi vilodəti sorqardımoni mınosibəti təbrik.

Imruj Hicri Ğəməri 1445-minnə sori Rəcəbə manqi 13, miladi 2024 minnə sori iyunə manqi 25 minnə ruj iyən dınyo şiəyon 1minnə imom Həzrət Əmri Əlmuminin İmom Əli(ə)-i milad ruji sorqardışe.

Həzrət Əli(ə) Rəcəbə manqi 13 Xıdo kə, Kəbədə bə dınyo omə. Həmonə rujədə Kəbə divo Həzrəti əzizə inə Fatimə Binte Əsədi vədə oj be ta əv Ali(ə)-i bə dınyo vardero bə ım mığəddəsə vırə daxil bıbu.

Həzrət Əli(ə) nocıvonəti vaxtiku İslami əzizə Peyğəmbər Həzrəte Muhəmməde Mustəfa(s) nəzdədə be.

Vilayət və İmoməti osmoni i minnə ostovə, iminnə şəxsiyyət be ki bə İslam imonış vardə və Xıdo Rəsul(s)-i tərəfo islami dini təbliğ kardero həmmə mərhəlonədə de Pəyğombəri bə ico be, bənə Xıdo Rəsul(s)-i dust iyən koməkəkə.

İron İslam Respublika təğvimədə dınyo şiəyon 1 minnə İmomi viladəti sorqardımon, de dədə(pıə)on ruji nom  ğeyd bıə.

De dınyo şiəyon 1minnə İmomi moəku bıə əyyomi həmzəman zinə şəviku İronədə bıə məçidon, huseyniyəon iyən məzhəbi vırəonədə məxsus mərasimon bərpo be, həmçenin bə dədəon osəğande iyən bəvon ehtırom noe həm ın rujonədə bıə bərnamonku heste ki dəvom kardedə.

İron İslam Respublika Telerədyo tərəfo dınyo şiəyon 1minnə imom Həzrət Əmri-Əlmuminin İmom Əli(ə)-i milad ruji sorqardımoni bə həmmə mısılmonon, dınyo ozodtələbon iyən həmzıvonə tolışon xuxusi bə həmmə tolışə zəhmətəkəşə pıəon təbrik ərz kardıdəmon.