Fransa dınyoəda dıminə siloh ixracatəkə be
Fransa siloh həvateyədə Rusiyə dəvardey bədiqə dınyoəda həmməysə ziyodə siloh həvatə dıminə siloh ixracatəkə be.
Bə Stokholm Beynəlxalğə Sulh Tədğiğoti İnstituti (SIPRI) oxonə hisoboton əsos,çı Fransa siloh ixrac 2014-2018 və 2019-2023-ə soron miyono 47% vey bıə.
Ukraynadə bıı muharibə və çı Rusiyə vey çe silohiku istifodə kardey zərurət,həmən Ğərbi sanksiyəon çe Rusiyə silohi ixraci kam kardey əsosə səbəbi bıə.
Fransa silohi ixracədə bıə de dıjdə 42%-i səhmi bə Asiya və Sakit okeani məmləkəton və 34% həm bə Ğərbi Asiya kişfəron doəşe.
Bə SIPRI sər elmi koqər bə Peter Wesmani sıxanon əsos, Fransa bə strateji muxtariyyət nom noə çi noyil bıey səy kardedə.SIPRI-i tədğiğotçi Katarina Jokic həm çı Fransa bə nuyə silohon bıə zu qlobal tələbiku istifodə kardeyış bəyon kardə.Ğərbi, xususən AİŞ behron icodəkə və canqtələbə siyosəti bə əməl vardə tələb boyis bıə ki,amerkə ijən dınyoədə silohi ixracatədə iminə vırədəy.
Bə Stokholm Beynəlxalğə Sulh Tədğiğoti İnstituti (SIPRI) oxonə hisoboton və məlumoton əsos,2022-ə sori fevralə manqədə Ukraynada cabq bino bıeyku jıqoşə 30 qılə kişfər bə Kiyevi bənə hərbi koməqi əsosə silohon doəşe.
Bın miyono coqlə Avropa devləton həm ıştə idxalışon vey kardə və əvon ziyodə mığdorədə ımoni çı Amerikəku vardəşone.bə SIPRI statistikə əsos,çı Avropə siloh idxali 55% 2019-2023-ə soron miyono çı AİŞ-iku vardedən,əmmo qıləy holədə ki,2014-2018-ə soron miyono ım cəmi 35%-be.
