Əmir Əbdullahiyan: Netanyahu bə xətti oxo rəsə

Əmir Əbdullahiyan: Netanyahu bə xətti oxo rəsə

Əmir Əbdullahiyan: Netanyahu bə xətti oxo rəsə.-İron İslom Respublikə xarici koon vəziri de Fələstin İslomi Moğavimət Hərəkoti(HƏMAS) siyosi buro rəhbəri bıə sehbətədə təkidış karde ki,seonist rejimi sər vəzir Binyamin Netayahu bə oxonə devroni rəsə.bə tele-rədyo xəbə agentəti məlumoti əsos, İron İslom Respublikə xarici koon vəzir Huseyn Əmir Əbdullahiyan zinə şəvi de Fələstin İslomi Moğavimət Hərəkoti(HƏMAS) siyosi ofisi rəhbər bıə İsmoyl Həniyyə telefonə təmasədə voteşe: "bo dınyoro çı Netanyahu bə oxonə xətti rəsey dərk kardey beydə və əv fəğət bo bəyji mandero dast-po jeydə.

Huseyn Əmir Əbdullahiyani əlovəş kardə:çoko ki,İslomi İnğılobi Yolə Rəhbəri təkidış karde, de Fələstini millət iyən mığoviməti mandey israyili rejim Ğəzzə canqi batlağədə dəmandə.xarici koon vəzir həmçinin çı İron İslom Respublikə oxonə məsləhəton və diplomatik hərəkoton, ə cumlə de Fələstinli anqıl beynəlxalğə didonədə fəolə iştiroki həxədə bə Həniyyə məlumotış doə.eyni zəmonədə, Əmir Əbdullahiyan İMT Əmniyyət Şura de şiddəti tənğıd kardə holədə,məsul beynəlxalğə onemonon Ğəzzə tanqə və İordan ru ğərb sahilədə bepənohə jen və hırdənon kıştey oqəteyro təcili tədbiron vindey vocibətiş bəyon kardə.Beynəlxalğə humanitarə koməkon dərhol və məhdudiyyət nıbə holədə bə qırd Ğəzzə tanqə sakinon rosney təkid kardey be.HƏMAS hərəkoti siyosi buro rəhbər İsmoyl Həniyyə bın telefonə qəpədə bə İroni Ali Rəhbəri və prezdenti ıştə səmimi səlomonış rosne və bə İroni hukumət iyən milləti Nuyə sor və mığəddəssə Rəməzonə manqi munosibəti təbrikış vote və tərəfon miyono Ğəzzə tanqədə siyosi və meydoni inkişofon muzakirə kardey bıə.