İslomi İnğilobi Yolə Rəhbər:Mığovimət ğıvvon və Ğəzzə milləti misliş nıbə mığoviməti bə İslomi qıləy şərəfış bəxş karde
İslomi İnğilobi Yolə Rəhbər: Mığovimət ğıvvon və Ğəzzə milləti misliş nıbə mığoviməti bə İslomi qıləy şərəfış bəxş karde
İslomi İnğilobi Yolə Rəhbər:Mığovimət ğıvvon və Ğəzzə milləti misliş nıbə mığoviməti bə İslomi qıləy şərəfış bəxş karde.-İslomi İnğilobi Ali Məğaminə Rəhbəri de HƏMAS hərəkoti siyosi buro rəhbəri və əy muşayiət kardə nımoyəndə heyəti vindemonədə mığovimət ğıvvon və Ğəzzə xalği bemislə mığoviməti bə İslomi qıləy şərəfış bəxş karde.Ali Rəhbəri Dəftəri məlumot bazə əsosən, İslomi İnğilobi Ali Məğaminə Rəhbəri Ayətullah Xameneyi de Fələstini İslomi Mığovimət Hərəkoti(HƏMAS) siyosi ofisi rəhbər İsmoyl Həniyyə və əy muşoyiət kardə numoyəndə heyəti vindemonədə votəşe ki,Tehron bə Mığovimət ğıvvon mislişon nıbə mevğeyi hurmət noydə.ə həzrəti bə Fələstin həmən bə Ğəzzə milləti çı seonist rejimi cinoyəton və vəhşiyə hərəkəton mığobilədəı torixi səbrişon işorə karde və bə dışmeni tələbon əks ısət Fələstin məsələ bə dınyo iminə məsələ peqardə.İslomi İnğilobi Ali Məğaminə Rəhbər Ğəzzə milləti ğətlı-am kardey iyən bın məntəğədə tuməbıri bə har qıləy vijdoninə insoni təsir kardey təkidışon karde və əlovəşon karde:İron İslom Respublikə bə Fələstin və bə məzlum iyən mığovimətinə xalği koy dastək doeyku dast nibəkəşe.Həzrət Ayətullah Xameneyi beynəlxalğə iştimoyi rəy,həmən İslomi dınyo,xususən həm ərəbi dınyo iştimoyi rəyon bə Ğəzzə milləti dastəki məsələş vocib zıneşone və voteşone:Fələstini mığoviməti təbliğot və mediya tədbiron tosə ısət vey dıjd bıə və bəpe bın zəminədə çımisə həm çokə hərəkəton əncom doey bıbu.Əv,həmçinin seonist rejimi tərəfiku şəhid kardə bıə çı HƏMAS-i rəhbəron bıə şəhid “Əl-Aruri” xotirəşon həm de ehtiromi yod kardeşone və ğeyd kardeşone:ın nəcibə şəhid qıləy barzə şəxsiyyət be ki,çəy şəhodəti mıborəkə ağıbət çe Xıdo mukofat be.bın didoədə HƏMAS-i hərəkoti siyosi ofisi rəhbər İsmoyl Həniyyə çı İron İslom Respublikə millət iyən hukuməti bə Fələstini məsələ,xususən bə Ğəzzə milləti dastəqi təşəkkur və təğdirış karde və bın barədə qıləy hisobotış təğdim karde.
