İroni bə Afrika tibbi ləvozimoton ixrac kardey

İroni bə Afrika tibbi ləvozimoton ixrac kardey

İroni Səhiyyə Vəzərotxonə Ərzoğ iyən Dəmoni Təşkiloti İxrac Siyosəti Şurə katib çı İroni bə Afrika tibbi təchizot iyən ləvozimot ixrac kardeyro bıə ıştə hozzıətiş elon karde.İroni tibb iyən damon soxtey imkonon və inkişofon sahədə elmi və beynəlxalğə cəmiyyəton tərəfiku tibbi sahədə məşhurə kişfəron restədəy.bə İroni Səhiyyə,Muolicə və Tibbi Təhsil Vəzərotxonə rəsmiyon bəyoni əsos,İslomi Respublikə tibbi sahədə de 15-ə,damon soxtey sahədə 7-ə vırədə ğərol qətey,bə dınyo veyə tibbi indekson əsos navəşənə kişfəronku bə hisob omeydə.Həmçinin İroni tibb muhəndisəti mutəxəssison mıxtəlifə sektoronədə kişfəri niyoz hiss kardə vey oxonə cihozon bə loyihə əsos istehsol kardey zıneydən.bə Tele-Rədyo xəbə agentəti məlumoti əsos, İroni Səhiyyə Vəzərotxonə Ərzoğ iyən Dəmoni Təşkiloti İxrac Siyosəti Şurə katib Asəf Məhdəvi bə İroni tibbi aparaton istehsol kardey imkonon işorə kardə holədə,1700 tibbi təchizot iyən ləvozimoton istehsolçi beyış bəyon kardə.İron ın məhsulon bə Afrika məmləkəton ixrac kardey bəzıne.Məhdəvi əlovəş kardə:İroni istehsol kardə tibbi təchizoton iyən ləvozimoton bə Ğərbi Asiyə,Asiyə və hətto bə Avropə mıxtəlifə məmləkəton ixrac kardey beydə.