İroni İslomi Şurə sədri bə AİŞ Konqresi Nımoyəndəon Palatə sədri iddiyo cəvob
İroni İslomi Şurə sədri çe İslomi İnğılobi Ali Məğaminə Rəhbəri bə Fələstini dastək doə amerkəvıjə tələbəon unvon kardə mesaji cəvobən çe AİŞ Konqresi Nımoyəndəon Palatə sədri iddiyo kardə bıə tvitiş cəvob doə.
İslomi İnğılobi Ali Məğaminə Rəhbər Həzrət Ayətullah Xameneyi dəvardə cımə şəvi(30 may 2024-ə sori) məktubədə çe Amerkə universitetonədə bə Fələstini milləti dastək doə vijdoninə tələbəon ovard kardə holədə,çın tələbəon anti-seonist etırozon rəğbət və həmrayəti ifodə kardəşe,əvonış çe mığoviməti cəbhə iqlə hissəş hisob kardə iyən bə vəzyəti əvəz bey işorə kardə holədə,Ğərbi Asiyə həssosə məntəğə taley iyən dınyo torixi əvəz bey işorə kardəşe.İslomi İnğılobi Ali Məğaminə Rəhbəri amerkəvıjə tələbəon nıvıştə nomə dərci bədiqə AİŞ Nımoyəndəon Palatə Respublikaçiyə sədr Mayk Conson çe İslomi İnğılobi Ali Məğaminə Rəhbəri mırociyəti mətnış X sosiyal şəbəkədə ıştə şəxsi səyfədə ijən dərc kardə holədə jıqo nıvıştəşbe:"ehyanə şımə Ayətullahon roziyon kardəbu,həni çe Amerkə himoyəon çe dasto doe ".
Bə İroni Tələbə Xəbə Aqentəti(İSNA) doə məlumoti əsos,İroni İslomi Şurə sədr Məhəmməd Bağır Ğalibaf bə AİŞ Konqresi Nımoyəndəon Palatə sədri tviti cəvobən X sosiyal şəbəkədə ıştə şəxsi səyfədə ingilisə zıvono qıləy məğaləş dərc kardə və nıvıştəşe:"Aya çodoonədə hırdənon bəyji-bəyji sutuney çe Amerkə himoyə iyən təsdıği cəlb kardedə??". İslomi İnğılobi Ali Məğaminə Rəhbəri bə Fələstini dastək doə amerkəvıjə tələbəon unvon kardə məktub Ğərbədə,xususən həm AİŞ-də fələstıni ideyalon iyən bə məzlumə Fələstini xalği canqi dastəki nəzədə sıə holədə,xususi əhəmiyyət kəsb kardedə və Beynəlxalğə səviyyədə aktiviston və ozod fik kardə kəson tərəfiku həm ğəbul beydə.
