Tehroni bo 30 qıləsə ziyodə Asiyə kişfəron nımoyəndəon kə soybəti

Tehroni bo 30 qıləsə ziyodə Asiyə kişfəron nımoyəndəon kə soybəti

Tehroni bo 30 qıləsə ziyodə Asiyə kişfəron nımoyəndəon kə soybəti

İron İslom Respublikə bənə Asiyə Dialoq Forumi sədri bə ın qrupi uzv kişfəron xarici koon vəziron iclosi kə soybəti bəkarde.bə İRNA doə məlumoti əsos;bə Asiyə Dialoq Forumi(ACD) uzv kişfəron xarici koon vəziron,xarici koon vəziron mıovinon,regional təşkiloton sər katibon və uzv bıə kişfəron xususi nımoyəndəon səth iyən səviyyədə de 30 qıləsə ziyodə xarici nımoyəndə heyəti iştiroki iclos,ımruj işambə ruji və dı ruji mıddətədə Tehronədə bərpo bəbe.

İşambə ruji vəziron dido bərpo bıey əloğədor votemoni məhvəri anqıl oxonə koordinasiyə bə dast vardey məğsədi,uzv kişfəron ekspert və barzə səviyyəynə mudiron vindemoni mızokirə kardə holədə fiki mıbodilə bardey bəbe.əmmo,dı şambə ruji rəsmi dido dəvordıney bəbe və ın iclos İroni xarici koon vəziri vəzifə icroəkə Əli Bağıri Kəni ehandımoni bino bəbe.

Asiyə Həmkoəti Diyaloq(ACD) 2002-ə sori ofəyə bıə iyən çəy katibəti Kuveytədəy ki, 35 qılə Asiyə kişfər çın forumi uzvin.İron İslom Respublikə ponə sori poziku jıqoşə i sore ki,bə ın forumi sədrəti kardedə.Çandə qılə bərnomə iyən proqramon,ə cumlə Tehronədə xarici koon vəziron dido,İsfahanədə ticorət palatəon rəhbəron iclos,Yəzdədə turizm vəziron konfrans,İroni bə ın Asiyə muhimmə forumi sədrəti kardə zəmonədə bıə bərnoməonku bıə.