Nasirəddin şah hobbi çiç be?

Nasirəddin şah hobbi çiç be?

Nasirəddin şah çə fotoqrafonku be ki,selfiyə şikil kəşeyku vey xoşış omeydəbe iyən çəy qıləy mevzu və fotoşəkil bıey zevğış hetsebe.Ğacəri zəmonədə de Nasirəddin şahi ıştən təvəssıti kəşə bıə ziyodə selfi şikilon mevcide ki,ıştə nevədə iyən çəvon ğeyd kardey zəmonədə misl iyən analoqış ni.İroni fotoqrafiyə torıxi iminə selfiyonku Sahibğəraniyyə sarayədə de Nasirəddin şahi təvəssıti kəşə bıə.ın şikil  çın kolleksiyə sənədonədə mevcude iyən şah de qıləy ğəşənqə xətti çəy jiyədə nıvıştəşe:”Niyavərənədə ıştən kəşəme”.

In eşğ iyən həvəs boyis be ta Nasirəddin şah 19 sinnədə əmrko ki,de kamera təvəssuti Təxte-Cəmşidi jiyədə qıləy video reportaj ya hesobot hozzıkon iyən boəy bıvardon.

Fotoqrafiyə bə Ğacəri zəmonədə bıə rəssomon bıə təsir həm oşkoye.Xanzad İsmoyli çe Nasirəddin şahiku kəşə şikilonədə.şah de həmonə kot ya pencəki nışon doey beydə ki,həmonə devrədə bıə şikilədə çokonə çiyə.

Ğacəri devrə fotoqrafon seqlə dastəku təşkil bıəbin:bo Avropə elmi iyən coğrafi təhğiğot mıəssisəon ka kardə kəson.aboriqen iyən bumiyə fotoqrafon ki,boştə sətasponeyro de ın koy məşğul beydəbin.seminə qrup həm mahirə  fotoqrafon ki,de ın roy vositə ıştə jimoni məxarici təmin kardedəbin.

Qulustoni Sarayi kə albom,170 sor torıxış bıə qıləy şikil iyən filmon qəncinə xəzinəy ki,əyo çe Ğacəri podşoon səltənəti devroniku bıə şikilon iyən bəvon hədiyyə kardə bıə albomon mevcude. bə Qulustoni Saray Dınyo İrsi Kolleksiyəku pevolo bıə sənədon əsos,kə albom fotoşəkilon illustrasiyə sənədon,səfəon,şifrə kardey iyən rəmz noey həxədə və həmçinin çe hərəmsorə iyən torıxi binon barədəy.çımonsə əlovə Rusiyə,Avstriyə iyən Almaniyə iyən coqlə kişfəronku bıə fotoon bın xəzinədə mevcude.bə albomxonə 1520 albom və təğribən 9 həzo şişə şomile iyən sıpyi ivə siyoə şikilon,ranqin,çap kardə bıə fotoşəkil və litoqrafiya və sayirə ehtivo kardedə.

Qulustoni Sarayiku mıntəşir iyən pevolo bıə şikilon çandə qılə kateqoriyədə cəm kardey bəbe:

1-Şah,zadəqonon,vəziron.əmiron və sayir həm daxil bıə holədə saray əyonon.

2-jenon iyən hırdənonku iborət saray əyonon.

3-saray əyonon nıbə,əmmo barzə səviyyəynə bənə tuccor,ruhoniyon,mellimon,həkimon və sayirə şəxson .

4-saray əyonon nıbə saru səviyyəynə rəiyyət,koqəron,royku dəvardə kəson və sayirə şəxson.

5-bənə boğon,mığəddəsə məkonon,mehmonxonəon və sayirə məkonon.

6 dini rutualon,ayinon iyən -bənə (asb tojeny və aşpozəti bıə)mınosibəton bıə mərosimon.

7-və bənə(çe Nasirəddin şahi kıtı bıə) Bəbrixani bıə heyvonot.

Harçənd çın şikilon keyfiyyət deçəvon əsl iyən orijinali çe zəminiku tosə osmoni qıləy farğış heste.əmmo çın nuyə şikilon intişor iyən pevolo kardey,çe mıtəxəssion ixtiyorədə bo təhlil iyən analiziro qıləy erjinə fırsət ğərol doydə…

Çın təsvir iyən filmon anədə ziyode ki,əvoni dəğiğ bərrəsi kardey veyə zəmon tələb kardedə.əyo veyə unikalə şikilon mevcude.məsələn Hicri-Ğəməri 1311-ə sori Məhərrəmə manqi həştminə rujədə Nasirəddin şah dasti şikile ki,1894-ə milodi sori dı sor çəy maqi bənav qıləy kafteş şikor kardə çəy şikilış kəşə.

Nasirəddin şah bıvə zoə iyən çe doktor Musəddıği day Əbdul-Huseyn Mirza həm çın foto kolleksiyə şikilon çandə mevzuonkuye.iqlə şikil həm çə zəmonə polisiku nışon doydə ki,iqlə fərdış dastqir kardəşe,qətəşe iyən qıləy zəncirış bəçəy qərdəni ehaştəşe.....