Nəhcul-Bəlağə pand iyən hikməton

Nəhcul-Bəlağə pand iyən hikməton

Pəyğombər(s)de ın məntıği bə cohiliyə ərəbi təəssıb iyən təfaxuri canqi səmt şe iyən de Muminuni surə 101-ə şərifə ayəku bəhrə bardey,fəxr kardə kəsonış mızəmmət karde.bın şərifə ayədə Xıdovənde-Mutəal hamyedə:”fəla ənsabə.....rujoədə hiç qıləy etnik iyən ğəbiləvi rabitə çe fərdon miyono mevcud ni.

Demi həm iqlə şəxsi çe Əmirəl-Muminin İmom Əliku(ə) çe Ğureyşi dıjdə şoxə iyən nəslon həxədə sıvolış karde:İmomi(ə) hamyeşe:”Əmma Bənu Məxzumin fərəyxanətu Ğureyş.....Əmmo Bənu Məxzumin....çe Ğureyşi ğəbilə vılonin ki,əmə həm deçəvon merdon həmsıxan bıey iyən çəvon jenonku jimoni həmro vıjniyemon piyedə”.çe Ğureyşi ın nəsliku bıə məxloğ,xoşə zıvon iyən çokə sıxan votəyon bin və bə şeer iyən şayirəti iyən bə ədəbi votemoni qıləy rəğbət nışon doydəbin.

Peşo İmom(ə) çe Bəni-Şəmsi ğəbilə barədə jıqo hamyəşe:”və əmma Bənu-Əbdi Şəms fə əb-əduha.... Bənu-Əbdi Şəms çe Ğureyşi coqlə ğəbilə vey diyəro vində iyən çəvon peştono bıə çiyon mıdofiyədə vey zumandin”.Bənu-Əbdi Şəmsi nəsl çe bəni-uməyyə əjdodin ki,bə siyosəti səhnə deştə məkrinə kiyosəti daxil bin və ıştə suloləşon bə mərdumi mısəllət kardeşone və ıştə bə dast vardə mənafe iyən mevğıyyətşon de ciddiyyəti mıdofiyə kardeşone.əvon bəçəvon ixtiyorədə bıə çiyon nisbətədə həmməysə pəxılə fərdonin.

İmom Əli(ə) bo bəni-uməyyə sulolə məlum kardero hamyeşe:”və əmma  nəhnu...və əmə bəçəmə dastədə bıə çiyon nisbətədə vey əbaxşimon iyən conbozəti zəmonədə bo con doey vey səxovətinimon”.çe Bəni-Haşımi fəsohəti barizə nımunə Pəyğombəre-Əkrəm(s) iyən Əmirəl-Muminin İmom Əli(ə) və çə həzrəti Nəhcul-Bəlağə.noməon iyən kırtə kəlməonədə oşko və məlume.çə həzrəton çe İslomə dini həxədə bıə xeyrxahəti tosə ə həddi be ki,de tobə ıştə coni oxonə nəfəsi bbın royədə mandin və ıştə həmmə çişon,bo İslomə dini muhafizəro bənə Kərbəlo və co səhnəonədə fido kardeşone.

Oxoyədə həm İmom Əli(ə) Bənu-Əbdi Şəmsi de Bəni-Haşımi mığoyisədə jıqo hamyeşe:”və hum əksəru və əmkəru və ənkər və nəhnu əfsəhu və ənsəhu və əsbəh...çəvon ədəd ziyode və çəvon veyə məkrışon heste və əvon vey yavən və əmə vey fəsohətin və vey xeyrxah iyən vey xosimon”.