Movlana Fəzlur-Rəhmon: Tramp bəsə ğoldorisə vey yavəy

Pokıstoni Uləmo Cəmyəti Partiyə Əmir çe amerkə prezdenti çe İroni mığobilədə de diplomatikə urfi zidd bıə rəftoronış tənğıd kardə.

Bə Pars-Tudey bə İRNA istinodən doə məlumoti əsos,çe Pokıstoni Uləmo Cəmyəti Partiyə Əmir Movlana Fəzlur-Rəhmon çe İroni mığobilədə diplomatikə əxloği zidd bıə rəftoron,məxsusən çe dıqlə kişfəri miyono cari bıə mızokirəon xususədə deştə tənğidinə nəzə əlovəş kardə:qıləy fərd ki,ıştəni çoko bəvoteyn çe qıləy zumandə kişfəri prezdent zıneydə,çe diploamtiyə zıvoniku xəbəş ni iyən çəy rəftor bəsə qıləy ğoldori rəftorisə vey bevəce.Movlana Fəzlur-Rəhmon bə trampi xitobən votəşe:Im çe əxloğ və ya mızokirəy ki,əqər tı bəştə dıli piyə nəticə rəsənişbu,bəsə ğoldorisə vey yavə beydəş.Əy təkidış kardə:tramp bəpe sıftə çe diplomatiya iyən mızokirəon şivə omuto.nəyinki,İroni de natə resurson iyən infrastrukturon məhf kardey təhdid bıko.