İron iyən Yaponiyə miyono əloğəon

Yaponiyə bo Ğərbi Asiyədə deskalasiya bəkam kardero hozzıye.

İron İslom Respublikə xarici koon vəzir iyən Yaponiyə xarici koon vəzir Toşimitso Moteqi dəvardə de qıləy telefonə təmosi çe məntəğə tojə hodisəon iyən dıtərəfinə rabitəon barədə diyaloqışon dəvordınə.Bın telefonə təmosədə çe amerkə iyən sehyonist rejimi bə İroni ələyh hərbi təcovuziku nəşət seyə əmniyyəti iyən ixtisodi yavə nəticəon,min cumlə Hormozi tanqədə çe kəştiyon miyono bıə ixtilolon həxədə bəhs iyən mızokirəonışon kardə.İroni xarici koon vəzir de bə Hormozi tanqədə icod bıə noəmni həyğəton işorə kardey ki,çe amerkə iyən sehyonist rejimi bə İroni ələyh hərbi canqi sərostə nəticəy,bo mevcudə vəzyəti vey mırəkkəb bey navi qəteyro bə həmmə devləton tərəfiku məsuliyyətinə nəzə vıjniye vocibəti təkid kardəşe.Yaponiyə xarici koon vəzir həm de mevcudə vəzyətiku ıştə norohətçəti ibroz kardey,çın kişfəri bo deskalasiya bəkam kardero hozzı beyış elon kardə.