De Huseyni(ə) Tasuə rəsey mınosibəti səbəsəloməti
De Huseyni (ə) Tasuə rəsey mınosibəti səbəsəlomətiı;
İslomi İron matəmi dılədə ğərğ bıə.Huseyni Tasuə(ə)şəvi İslomi İroni təmomən siyoş dəqətə və ğəm iyən matəmi dılədə ğərğ bıə.ımruj (dışambə) Hicri 1446-ə sori Tasuaye-Huseyni(ə) bə Məhərrəmmə mo nəvminə ruji təsaduf kardedə.Həzrət Əba Əbdullahul-Huseyn(ə) və çəy bəfodorinə əshobon Hicri-Ğəməri 61-ə sori Məhərrəmə manqi 10-ə rujədə Kərbəloədə şəhid bin.
İmom Huseyn(ə) Kərbəlo hodisədə oşkoə şikilədə təkidışon karde: “Çəy məğsəd bə İslomi zidd bıə hukuməti rısvo kardey iyən bə çokəti əmr kardey bərğəror kardey və nəhy əz munkər kardey iyən bə zılmi zidd mandeye”.Huseyni əzodoron qırd İslomi İronədə çe dınyo şiəyon seminə imom bıə İmom Huseyn(ə) və çəy bəfodorinə əshobon,ə cumlə həm çe İmom Huseyni(ə) bıvə Həzrət Əbılfəzl(ə)-i şəhodəti sorəqardışi,Tasua və Aşura rujonədə əzodorəti mərosimon dəvordınə holədə yod kardedən.
Dınyo şiəyon çominə imom bıə həzrət İmom Səccad(ə) çe Həzrət Əbılfəzl Əbbosi(ə) məğami vəsf kardeyədə jıqoş hamyə: “Həğiğətən,tosə çımı amu Əbbosi daston bırniyə zəmoni əy ıştə conış boştə bıvə fədoş karde”.Odəmi dıli dojnə Kərbəla vağiyəku,İmom Huseyn(ə) və çə həzrəti sədoğətinə səhobəon şəhodətiku çandə əsron dəvardedə,əmmo çın hodisə əhəmiyyət iyən məğam nəyinki bəkam bıəni,hətto de zəmoni dəvardey çe Aşura mesaj həni həm hevuj beydə və matəmə mərosimon tiki həm de veyə həyəcon iyən dərki dəvordıney beydə.Həzrət İmom Huseyni(ə) hərəkoti dərson bə qırd məxluğoton,bəşəriyyəti və bə dınyo ğədərədə hevujə torix iyən coğrafiyə malike və hiç vaxt məhdud nibəbe.İslom İroni muminon və pok iyən məsumə Əhli-Beyti(ə) aşığon,Məhərrəmə mo rujonədə,xususən həm Huseyni(ə) Tasua və Aşura şəvi və ruji hərəmon,məçiton,məxsusən Məşhəd səhrədə çe dınyo şiəyon həştminə imom bıə İmom Rıza(ə) pokə hərəmi iyən Ğomi şəhrədə bə Həzrət Məsumə(ə) hərəmon ziyorət kardə holədə, əyo de əzodorətiyon məşğul beydən.İron İslom Respublikə Radyo və Televiziyə həm de Tasua və Aşurə ruji damey mınosibəti,bə həmmə mısılmınon,xususən həm bə şiəyon iyən bə dınyo co ozodi piyəkəson təsliyyət votedə.
