Bə Venetsiya beynəlxalğə nımoyışqo qıləy nəzə
Bə Venetsiya beynəlxalğə nımoyışqo qıləy nəzə
Azizə həmzıvonon,Venetsiya beynəlxalğə nımoyışqo,dınyo vizual sənəti həmməysə muhim iyən həmməysə ğədimiyə festivale ki,iminə kərə milodi 1893-ə sori bərpo be iyən ısət bə qıləy etıbo dastış pəydo kardə ki,əy bənə hınə olimpiyadə unvoni ğeyd kardedən.ın nımoyışqo hejo çe sıftəku de mıosir iyən avanqardə visual sənəton himoyə hədəfi və çoko bəvoteyn de navəşənə hınə nomi bəro dəğandey be ki,1930-ə soronədə çe film,musiği,teatri baxşon iyən peso çe memorəti iyən arxitekton po həm,bə ın festivali oj be.Venetsiya beynəlxalğə nımoyışqo şestminə devrə,2024-ə sori aprelə manqi 20-iku de tobə noyabrə manqi 25-ə ruji İtalyə Venetsiya şəhrədə bəğəror beydə.”xariciyon,həmmə co-Stranieri Ovunque)”,..çe Venetsiya beynəlxalğə nımoyışqo şestminə devrə unvone.ın iborə çe Turini şəhri əhliku bıə qıləy qrupiku peqətə bıə ki,2000-ə soron sıftədə İtalyaədə de irğçiyəti iyən ksenofobiya mıborizə bardedəbin. Venetsiya 2024 hınə dı sornə festival,bəsə xarici,mıhocir,ixrac və dərbədər kardey bıə iyən dəvitiyə hınə soybon və sənətkoon peyo mutəmərkize…
Xosə duston!əmə həmmə zıneydəmon ki,çe sehyonist rejimi bə Ğəzzə tanqə iyən bə Fələstini mərdumi zidd bıə anti-bəşəri cinoyəton,fəğət bə ın çandə manqi məhdud ni iyən çandə da sorone ki,ın zılm bə Fələstini milləti ələyh rəvo vindey beydə.əmmo Ələğsa tufoni bədiqə sehyonist rejim Ğəzzə tanqədə bə ziyodə cinoyəton mırtəkib bıə ki,veyə hınə soybon,sənətkoon iyən məşhurə şəxson bə ın cinoyəton reaksiyəşon nışon doə və çandə kərə ıştə çe Ğəzzə tanqə məzlumə mərdumiku bıə himoyəşon elon kardə.Venetsiya beynəlxalğə nımoyışqo şestminə devrədə həm,İronıjə hınə soybon mıxtəlifə cəhətonku,bə Ğəzzə tanqə iyən bə Fələstini məsələ və həmçinin sehyonist rejimi kardə cinoyəton işorəşonkardə və curbəcurə hınə əsəronışon kəşə və ıştə de Ğəzzə tanqə məzlumə mərdumi bıə həmdardi iyən həmrayətişon elon kardə…..
