Fələstınıjə fitbolist Məhmud Sərsak

Fələstınıjə fitbolist Məhmud Sərsak

Milodi 2009-ə sori  be ki,Ğudsi işğaləkə rejim fələstınıjə 25 sornə fitbolist bıə Məhmud Sərsakış hədərə vırədə Ərzi quzərqoyədə dastqirış karde,qətışe.ım qıləy holədə be ki,Əv, bə Nablos şeydəbe ta əyo de qıləy klubi futboli mığovilə dəvasto.sehyoniston duyədə voteşone ki,əv çe İslomi Cihod Hərəkoti uzve iyən sabotaj əməliyyoti məğsədış heste.se sor de ın isbot nıbə bəhonə,Məhmud Sərsak çın nəhsə rejimi zindononədə mande tayinki, Əv,80 ruji mıddətədə vəşyanəti aksiyəş dəvordıne.çəy vəşyanəti aksiyə xəbə pevolo bıey bədiqə,dınyo mıxtəlifə vıronədə bo Sərsaki himoyəro kampaniyəon təşkil kardey be.Erik Kantona de surəti bə FİFA qıləy noməş nıvışte və çın fələstınıjə fitbolisti ozodətiş tələb karde.

Erik Kantona de bənə Eden Hazard,Fredrik Kanote,Didier Droqba bıə i dastə fitboli beynəlxalğə məşhurə şəxson bə ico,ın noməşon imzo karde və Məhmud Sərsaki ozodətişon tələb karde.

Bo UEFA bə zəmon rəyis bıə Mişel Platini vığandə bıə bın nomədə jıqo nıvıştə bıəbe:” israyil bəpe bəştə cinoyəton xoto,UEFA-ku xaric kardey bıbu”.Kantona bın məktubədə həmçinin təkidış karde:”bə ədoləti bəpe bo israyili bənə co kişfəron rioyət kardey bıbu və əvon bəpe irğçiyəti,bəşəri həxon po jiyədə oqətey iyən de etırozəkəyon mutəşəkkilə hoziyə rəftoron bəho bıdon!”.

FİFA ın nomə ğəbul kardey bədiqə qıləy tındə reaksiyəş nışon doe və çe sehyonist rejimiku Məhmud Sərsak həm daxil bıə holədə,qırd məhbusə futboliston ozodətiş tələb karde.nəhoyətədə sehyoniston se sori bədiqə Sərsakışon ozod karde.milodi 2014-ə sori Erik Kantona qıləy mərosimədə de Məhmud Sərsaki  didoş karde ki,çəy şikilon pevolo be.

Erik Kantona dayima çe məzlumə fələstınıjon kəno mandə və bə sehyonist rejimi irğçiyəti ələyh beşə və etırozış kardə.milodi 2021-ə sori ki,Ğəzzə tanqə de sehyonistə işğaləkəyon təvəssıti de şiddəti bombardımon be,54 sornə Erik Kantona bənə navnə soron hiç qıləy mılohizə nıkardə holədə,bə sehyonist rejimi hovlnokə cinoyəton reaksiyaş nışon doe.Əv, ıştə İnstaqram səyfədə ıştə jimoni həmro kəno bıə qıləy şikilış pevolo karde və qıləy holədə ki,əvon har dıqləyni i formədə olətışon bə tan kardəbe və çəvon liboson peyo jıqo nıvıştə bıəbe:”FOR HOPİNG PAlESTİNE”-bo Fələstiniro umudəvoəti”.

Erik Kantona hətto iqlə de həmonə nomi Beynəlxalğə Xeyriyyə Mərkəzışon təsis karde:qıləy mərkəz ki,səy kardedə dınyo həmmə vıronədə,çe Fələstınıjə avarə və sərqərdonə hırdənon dılədə umu,bəyji oqəto.