Amerkə bə jenon ələyh

Amerkə bə jenon ələyh

Cinsi suyi-istifodə iyən təcavuz çe qıləy problemonkuye ki,Amerkə ləşkər dayima deəy dimbədim omeydə.bə Pentaqoni elon kardə çi əsos,Amerkə ləşkərədə xıdmət kardə çe har se qılə jenonku iqləyni bə seksual xarakterinə təcavuzi məruz mandə.statistikə nışon doydə Amerkə ləşkərədə xıdmət kardə jenon 90 fayiz Farsi Xəlicədə bıə canqon zəmonədə bə təcavuzi məruz mandən.Amerkə mıdofiyə vəzərotxonə hasornə doə hisoboti çımiku hikoyət kardedə ki, har 10 qılə jenonku ki,çın kişfəri ləşkəri dıyo ğıvvonədə xıdmət kardedən,i nəfər milodi 2021-ə sori bə seksual xarakterinə təcavuzi məruz mandə.Pentaqon 2021-ə sori həşt həzo şəş sa şestı həşt təcavuzi hisobotış ğəbul kardə ki,ın rəğəm bə 2021-ə sori nisbətədə ziyod bıə.Pentaqoni hisobot Amerkə ləşkərədə çe təcavuz iyən hoziyəti poydor iyən sabitə problem elon kardedə. Amerkə ləşkəri dıyo ğıvvon mıəssisə məlumot bazə elonış kardə Amerkə mıdofiyə vəzərotxonə hasornə doə hisoboti çımiku hikoyət kardedə ki,har 10 qılə jenonku ki,çın kişfəri ləşkəri dıyo ğıvvonədə xıdmət kardedən,i nəfər milodi 2021-ə sori bə seksual xarakterinə təcavuzi məruz mandə.

Milodi 2018-ə sori 7/5 fayiz jenon bın ğıvvonədə bə seksual xarakterinə təcavuzi məruz mandən iyən ğıboni bıən.zəmini ğıvvon hisobot çımiku hikoyət kardedə ki, 2020-ə sori bə cinsi təcavuzi məruz mandə kəson rəğəm 25,6 fayiz ziyod bıə.dıyo ğıvvonədə həm omə ki,analoji hodisəon dıyo ğıvvonədə 9,2 və çe Hərbi Dıyo Piyodon miyono 1,7 fayiz və çe aviasiya ğıvvon miyono 2,4 fayiz ziyodəti bə əməl omə.fik-fam kardəninə nuktə ıme ki,mıxtəlifə soron dırozi sırfən bə jenon təcavuz kardey hisoboti ziyodəti proses fəğət bə Amerkə ləşkəri dıyo ğıvvon məhdud beydəni, bəlkəm ın ziyodəti proses həm çe amerkə zəmini ğıvvon iyən həmən həvo ğıvvon dılədə həm mevcude.Amerkədə jenon barədə coqılə fociyəvi hodisə bə zindononədə bıə jenon ayid məsələy.bə zindoni mıtoliyə beynəlxalğə mərkəzi doə məlumoti əsos,dınyoədə jenə məhbuson se də i hissə Amerkədəy ki,çın jenon əksər cıvon bıən iyən hırdənəti zəmonədə ya nevcıvonəti vaxtonədə bə bə seksual xarakterinə təcavuzi məruz mandən.Amerkədə WESH televiziyə kanal 2022-ə sori ıştə hisobotədə bə Amerkədə jenə məhbuson aşuftə vəzyəti bərrəsi koy iyən bın barədə bə Senati rəsmiyə təhğiğoti nəticəon işorəş kardə.hisboti nəticə ki,çe Senati bərrəsi iyən təhğiğoti komitə mıntəşir iyən pevoloş kardə,çe Amerkə federalə məhbusxononədə bıə kritik iyən yavə vəzyətiku qıləy təsviri nışon doydə.