Zənqəzuri marşurut bə Ermənıstoni ziyoniye

Zənqəzuri marşurut bə Ermənıstoni ziyoniye

İslomi İnğılobi Yolə Rəhbər de ermənıstoni mığobilədə bə İroni mevğıyyətti təkid kardə holədə hamyeşe:Zənqəzuru marşurut bə ermənıstoni ziyoniye.

Azərbaycan Respublikə otəşvəsi sazışi bastey iyən Ğərəboği 44 rujnə canqi bə oxo rəsney bədiqə,çandə kərə çe laçın iyən Zənqəzuru koridori barədə bəhsış kardə.

Ermənıstoniku əlovə ki,ın iddiyo çe bastə bıə sulhi sazışi oşkoə formədə darıştey hisob kardedə,İron İslom Respublikə həm de ın tələbon ıştə mıxolifəti ibroz kardə holədə elonış karde ki,de hamsuyə kişfəronədə harcurnə staretijikə əvəzon mıxolife.

Zənqəzuru koridori icod kardey çe ironi de ermənıstoni marzi dayimi ğət bəkarde,bəbırne iyən Boku qıləy maneyə nıbə holədə bə Nəxçivoni moxtər respublikə dast pəydo kardey bəzıne.

Bə İslomi İnğılobi Ali Rəhbəri dəftərxonə informasiyə baza əsosən,İslomi İnğılobi Ali Rəhbər Həzrət Ayətullah Xameneyi seşambə ruji de Ermənıstoni sər vəzir Nikol Paşinyan iyən əy mışoyiət kardə nımoyəndə heyəti bıə vindemonədə çe İron İslom Respublikə ğəti iyən sabitə siyosətış de hamsuyə kişfəron məxsusən de Ermənıstoni ıştə rabitəon hevuj kardeyış bəyon karde və təkidışon karde:İron bə de Ermənıstoni bıə rabitəon inkişofi ğətiyə surətədə bovə kardedə və çe dıqlə kişfəri miyono həmkoəti bə mıəyyən bıə mənafe iyən intereson əsose və çe cokəson siyosəton nəzədə nıqətə holədə de zumandəti dəvom bəkarde.

İslomi İnğılobi Ali Məğaminə Rəhbəri bə Ermənıstoni sər vəziri çe İroni nuyə prezdenti inuaqrasiyə mərosimədə və ə cumlə çı İron İslom Respublikə şəhidə prezdent şəhid Seyd İbreyim Rəyisi dəfni mərosimədə iştiroki xoto təşəkkur kardə holədə,bə Ermənıstoni ərazi təmomiyyəti mıhofizəş təkid kardeşone və voteşone:İron İslom Respublikə Zənqəzur marşuruti bə Ermənıstoni ziyoni vindedə və bəştə ın mevğey təkid kardedə.

Həzrət Ayətullah Xameneyi təkid kardeşone ki,bəpe xariciyon de hamsuyə kişfəron mınosibətonədə məhdudiyyəton icod nıkon və əlovəşon karde: kişfəron əmniyyət və rifohi təmin kardə çi,çəvon bəştə iyən bəştə nezə odəmon peştıpurətiye və çe diyəroku omə kəson iyən çəvon bəzi mıdoixləamizə hərəkəton,deçəvon ziyoni obərəxe.

İslomi İnğılobi Ali Məğaminə Rəhbəri həmçinin çe İroni xalği de bın məmləkətədə jiyə erməniyon miyono bə çokə mınosibəton işorə kardə holədə ğeyd kardeşone:İroni erməniyon məcburi mıhoribədə yolə rolışon ifo karde.

Həzrət Ayətullah Xameneyi bə Həzrəte İsa-Məsihi(ə) ehtırom noeyış çe mısılmınon miyono qıləy ğətiyə məsələş hisob karde və voteşone:bə ilahi dinon ə,cumlə həm bə İsa-Məsih(ə) ələyh bıə ın təhğiron çəmə nəzəku məhkume.

Bın didoədə çe Ermənıstoni iminə vəziri həm çe dıqlə kişfəri miyono hevuj bıə əloğəonku ıştə roziyətiş ifodə kardə və votəşe:Ermənıston çandə kərə ıştə kişfəri daxilədə hiç qıləy trans-reqiyonal marşrutu ğəbul nıkardeyış bəyon kardə.Ermənıstoni sər vəziri Tehron iyən İrəvoni miyono mınosibətonış stratejikış zıne və çe dıqlə kişfəri miyono rabitəon hevujətiş təşviğ kardə və çın prosesi dəvom kardeyış vocib hisobış kardə.