İsmoil Həniyə şəhodəti dumoədə İronədə 3 ruj umumiyə əzo elon bıə

İroni İslomi Respublika devlət, Fələstini İslomi muğaviməti hərəkət(HƏMAS)-i siyosi ofisi rəyisi şəhodəti dumoədə 3 ruj umumiyə əzo elonış kardə.

Sepah umumiyə rabitə qıləy xəbədə Həmasi siyosiyə ofisi rəyis və çəy qıləy muhafizonku Tehronədə çəvon mandə vırə hucum be və bə şəhodət rəsin.

Həminə cəhətədə və bə İrna raporti əsos, Fələstini İslomi muğaviməti hərəkət(HƏMAS)-i siyosi ofisi rəyis İsmoil Həniyə şəhodəti dumoədə İroni İslomi Respublika devlət de qıləy bəyoniyə muntəşir kardey vositə, 3 ruj umumiyə əzo elonış kardə.

İroni İslomi Respoblika devləti bəyoniyədə de işorə bə Fələstini İslomi muğaviməti hərəkət(HƏMAS)-i siyosi ofisi rəyis İsmoil Hənyə şəhodət, dınyo həmmə ozodəon, muğaviməti məktəbi aşiğon və İslomi umməti ğəmqinış kardə ijən omə: ım terror sionist rejimi cinoyətkorə cinoyəton co qılə be həyoə ko əlovəş kardə.

Im bəyoniyədə ijən təsdiğ bıə: ım vəhşiyə hərəkət ki həmmə beynəlxalğə həxon və insoni prinsipon bəştə po ji noəşe və prezdenti təhlif mərosimədə iştirokiro İroni İslomi Respublika diplomatiya və rəsmi mehmoni hədəf ğəror noşe, de İron İslomi Respublika devləti tərəfo məhkum elon bıdə. və ım məsələ sionist rejimi terrorist bey co qılə oşkoə nışonəy.