İroni prezdenti bə mığoviməti məhvəri dastək doey bıə təkid

İroni prezdenti bə mığoviməti məhvəri dastək doey bıə təkid

İroni prezdenti bə mığoviməti məhvəri dastək doey bıə təkid  

İron İslom Respublikə prezdenti terrorə akton çı seoniston bə sıvi rəsey vəzyəti nəticə hisob kardə və votəşe:İroni rəhbərəti,millət və hukuməti bə məzlumə Fələstini xalği dastək bədoe və həni həm de qıləy mehkəmə əzmi bə Fələstini milləti iyən məzlumə Ğəzzə milləti mığoviməti məhvəri dastək doeyro ıştə dasto omə çiyon bəkarde.bə İRNA doə məlumoti əsos,İron İslom Respublikə prezdent Məsud Pezeşkiyan de HƏMAS-i ərəb kommunikasiyon rəhbəri və çın hərəkoti Ğəzzə tanqədə bıə siyosi ofisi mıovin Xəlil əl-Həyyə telefonə votemonış bardə.Şəhid İsmoyl Həniyyə çe İroni 14-ə prezdentəti devrə ğəssəm hardey mərosimədə iştirok kardero dəvət bıə be.İroni prezdent çı Fələstini İslomi Mığoviməti siyosi ofisi mərhum rəhbəri şəhodəti təbrik və səbəsəlomətiş doə və votəşe:şəhid İsmoyl Həniyyə İron İslom Respublikə prezdenti və hukuməti rəsmi mehmon be və ım məsələ,çəy şəhodəti doğış bo İroni millətiro dı bərobərış kardə.Pezeşkiyan həmçinin təkidış kardə ki, seonist rejim ıştə qırd cinoyəti siyosətonədə bə beovandəti dıço bıə və bə ın səbəbi xoto,jıqo terrorə akton çe seoniston bə sıvi rəsey nəticə hisob kardedə.