Fəthi Nurin
Fəthi Nurin
Fəthi Nurin Fəğət 6 manq çəy 2014-ə sori bə dınyo cudo reytinqi cədvəli daxil beyku dəvardey iyən Xorvatiyə beynəlxalğə mısobiğəon cərəyonədə,de sehyonist rejimi nımoyəndə bıə rəğibiku dəboxtey dimbədim ome və deəy mısobiğəş nıdo. əmmo ın çe koy oxo nıbe və Nurin Yaponiyə dınyo mısobiğəonədə 2019-ə sori həm ıştə Hayitiku bıə zumandə rəğibi de qıləy çokə fəndi peyo səbarz bıey bəpeştə,ijən çe mısobiğə əncom doeyku dastış kəşe.2020-ə sori olimpiyədə həm çe sehyonist rejimi oxonə fənni iyən texniki zərbə de Fəthi Nurini təvəssıti be.
Əv, 2020-ə sori olimpiyə hənəkonədə və bəştə kişfəri daxil bıə zəmonədə,de ziyodə mərdumi dimbədim ome ki,de vılə çanqəon çəy insoninyə hərəkətiku ğədrdonətişon karde.....
Fəthi Nurin Berlini ayreportədə jıqoş interviyuş doe:sıftədə bo bəçımə və beşə kəson ıştə təşəkkuri bəyon kardedəm iyən votedəm ki,Xıdovənd bəşmə bərəkət bədoe.məsələn Əlcəzayiri nımoyəndə olimpiyə hənəkonədə iştirokım karde ta bə Əlcəzayiri fəxri boyis bıbum.çəmə təmərkuz çe olimpiyə hənəkon peyo be,əmmo çe Xıdovəndi təğdır be ki,pışt ğandeyədə çımı rəğib çe sehyonist rejimiku be.az çın hodisəku şoki dılədəm iyən çın senari intizorədə nıbim və bəpe qıləy ğərol qətənim bim.mı de sehyonist rejimi dimbədim omey nıpiyeme.ın ğərol bəçımı iyən bəçımı xıyzoni iftixori səbəb be iyən peşo bə Əlcəzayiri millət iyən devləti.çıro ki,az bə Fələstıni ğəziyyə və məsələ bovəm heste.
Nurin ıştə sıxanon dəvomədə təkidış karde:çəmə kişfəri rəyis çe qırd aləmi vədə elonış karde ki,əmə de sehyonist rejimi ıştə rabitəon normal kardey qıləy mıborəkə hodisə zıneydənimon.mı həm bə Xıdo şık kardedəm ki,de izzət iyən səbarzəti jimonım karde və ıştə bekardə ğəroliku vey rozim.az de Fələstıni hırdənon kıştə iyən çəmə bıvə kişfəri işğal kardə qıləy rejimi hiçvaxti mısobiğə nibədom....
Çın hodisə bədiqə Dınyo Cudo Federasiya ki,bə sehyonist rejimi ğarzıxoye,Fəthi Nurinış bə Tokyo hənəkonədə iştirok nıkardey xoto,10 sor mıddəti dırozi dınyo mısobiğəonədə iştirok kardeyku məhrum be.ın mısılmon iyən bə Fələstıni mığoviməti ideyalon rioyət kardə varzışkor,bə ın dıroz mıddətin iyən be ədolətinə məhrumiyyəti reaksiyədə voteşe:10 sor məhrumiyyət sanqine.həlbəttə,az ımi çəş kardedəbim.çun Dınyo Cudo Federasiya terroristə sehyonist rejimi himoyədore. çəvon çe sehyonist rejimi bə Fələstıni milləti zidd bıə cinoyətonədə dastışon heste....
Əy bəştə sıxani dəvomış doe:mı,bəpe çe Fələstıni sərzəmini işğal kardə sehyonist rejimi varzışkori mığobilədə mandənim bim:qıləy rejim ki,beqınoə fərdon kışteydə və əvoni çəvon kəonku xaric kardedə.çımı dılım ni ki,de jıqo qıləy rejimi varzışkori rəğobət bıbum və çımı daston notəmiz bıbu.piyedəm ni ki,jıqo qıləy mısobiğə çe Əlcəzayiri pərçəmi jiyədə ki,çe Fələstıni İnğılobi hamiye,bə əməl booy.ehyanə ijən sənibəton jıqo qıləy mevğıyyət bənav booy,ıştə səçınədə şəkk nibəkardem....
Odəmi dığğəti cəlbəkə çi ıme ki,çe Fəthi Nurin bəpeştə,Sudanıjə Muhəmməd Əbdur-Rəsul həm ki,ğərol be 2020-ə sori cudo olimpiyədə 73 kiloqram vəznədə çe sehyonist rejimi varzışkori mığobilədə ğərolış qəte və de terroristə sehyonist rejimi varzışkori dimbədim omeyku dastış kəşe.
