israiliku intiğon sıeyro İroni ğəroli barədə, Amerkə nota
Amerkə milli əmniyyəti şura strateji rabitəon həmohənqəkə iyən sıxənəvot votışe: Tehronədə HƏMAS-i siyosi ofisi yoli terrori dumoədə, israiliku İroni sıey vəədə, bəpe ciddi qətə bıbu.
İyulə manqi 31 minnə rujədə, HƏMAS-i siyosi nakonə ofisi sədr, İsmoil Həniyyə iyən çəy mıhufizonku qıləyni, Tehronədə çəvon iğomətqo vırə hədəf ğəror qətey nəticədə, bə şəhodəti məğom rəsəşone. ım vəhşiyə ko de beynəlxalğə məhkumiyəton dimo bə dim bıə.
Həminə cəhətədə Çoşəmbə rujədə İslomi İnğilobi Yolə Rəhbər, Həzrəte Ayətullah Xamenei qıləy mesajədə bə İslomi ummət, muğaviməti cəhbə və Fələstini səbarzə millət, ım ciqəmandə Rəhbəri şəhodəti təsliyət votışe iyən təkidış kardə: terrorist və cinoyətkorə sionist rejim de ım hərəkət, ıştəniro saxtə cəzo zəminə icodış kardə və İroni İslomi Respublika sərhədədə çəy intiğom sıey ıştə məsuliyət zıneydəmon.
İroni İslomi Respublika prezdent Məsud Pezişkiyan həm HƏMAS-i siyosi ofisi sədr, Şəhid İsmoil Həniyyə terrori sionist rejimi siyosəton bə çətinə vəziyət rəsey zınəşe və votışe :vey rə sionist rejimi ıştə terroristiyə hərəkəti nəticə vindeydə.
Demi həm və bə İRNA raporti əsos sıpiyə kə milli əmniyyəti şura strateji rabitəon həmohənqəkə iyən sıxənəvot, Con Kerbi tojədən təsdiğış kardə: İron tosə ısət subutış kardə ki bə israil həmlə kardeyro irodə və zuş heste.
