Britaniyaədə iğtişoşon dəvom
Britaniya çand qılə şəhrədə ijən polisi ğıvvon de mısılmonon və muhaciron və rostə ifroti qrupon daveon dəvomış heste.
Bə Tele-Rədio aqentiyəti raporti əsos, Britaniya şimol ğərbədə Southport şəhərədə qıləy mehmoniədə çəxujə dave barədə nosəhihə məlumaton muntəşir bey bəpeşt, Britaniyaədə iğtişoşon bino bıə.
İyunə manqi 29 minnə ruji Dışəmbə rujədə Southport şəhərədə de çəxu vositə qıləy həmlə əncom bıə və Britaniya həmmə vırəonədə anti İslomi zidd hissonku qıləy ləpə icod bıə və ijən ım kişvəri kali şəhron və məntəğəonədə əcumlə Mançester, Sautport, Sanderlend, Merisayd, Bristol, Nottingem, Belfast və Liverpulədə dəvomış heste.
Britaniya polis elonış kardə ki bə mısılmonon və mıhociron kali sakin bıə vırə və məçiton həm həmlə bıə.
Həminə həmlədə 3 qılə hırdənə kinon de çəxu kıştə və 10 nəfər əcumlə 8 nəfər hırdən həm zəxmin bıən.
